საქალაქო სასამართლომ „ყაზტრანსგაზის“ ორი თანამშრომელი, ვაზიმ მამდოიანი და თორნიკე ტატიშვილ, რომლებსაც გამოძიება სამსახურეობრივ გულგრილობას ედავება, პატიმრობაში დატოვა.

საქმე ეხება იანვარში, დიდ დიღომში ბუნებრივი აირის გაჟონვის შედეგად მომხდარ აფეთქებაზე, რომელსაც 4 ადამიანის სიცოცხლე ემსხვერპლა.

პროკურორი არ გამორიცხავს, რომ ბრალდებულებმა გათავისუფლების შემთხვევაში მოწმეებზე ზეწოლა მოახდინონ.

დაცვის მხარე მოსამართლის გადაწყვეტილებას გაასაჩივრებს.

საქმის განხილვა სასამართლოში 2 მაისს გაგრძელდება.