82 წლის ქალს 65 წლის წინ დაკარგული ჩანთა დაუბრუნეს - რა ეწერა წერილში, რომელიც ჩანთაში აღმოჩნდა

ეს საინტერესოა - 20:54, 25 Feb, 2019

2576

82 წლის ამერიკელ ქალს სკოლაში დაკარგული ჩანთა დაუბრუნეს, ამის შესახებ Inside Edition წერს.

მიმდინარე წლის იანვარში სამშენებლო კომპანია სასწავლო დაწესებულების ძველ შენობას ანგრევდა ინდიანას შტატის, ქალაქ ჯეფერსონვილში. სამუშაოების დროს მათ აღმოაჩინეს პატარა გაცრეცილი ჩანთა, რომელშიც იდო პირადობის დამადასტურებელი მოწმობა მარტა ინა ინგემის სახელზე გაცემული. მუშებმა აღმოჩენილი ნივთის შესახებ სოციალურ ქსელში დაწერეს იმ იმედით, რომ ჩანთის პატრონი ან მისი ახლობლები გამოეხმაურებოდნენ.

ინგემის ერთ-ერთმა ახლობალმა ნამდვილად ნახა გამოქვეყნებული პოსტი და დაუკავშირდა 82 წლის ქალს, რომელიც უკვე ფლორიდაში ცხოვრობდა, ჯეფერსონვილიდან ათასობით კილომეტრის მოშორებით. თებრვლის ბოლოს ქალს ჩანთა მიუტანეს.

65 წლის წინ დაკარგულ ჩანტაში აღმოჩნდა ტუჩსაცხი, საესტაფეტო ლენტა და საღეჭი რეზინის ცარიელი კოლოფი. ყველაზე საინტერესო კი იყო წერილი, რომელშიც მარტას ერთ-ერთი უფროსკლასელი გამოსაშვებ საღამოზე ეპატიჟებოდა.

„ძვირფასო მარტა, მე გავიგე, რომ გამოსაშვებ საღამოზე პოლმა დაგპატიჟა, თუ ასე არაა, მე ძალიან მინდა რომ დაგპატიჟო.“- ნათქვამია წერილში. როგორც 82 წლის მარტამ აღიარა, ის გამოსაშვებ საღამოზე წავიდა არა წერილის ავტორთან ან პოლთან, არამედ სულ სხვა, მესამე ბიჭთან ერთად.

„ნაპოვნმა ნივთებმა იმდენი მოგონება გააღვიძა, იმ ადამიანებზე, რომელთა შესახებაც წლებია არაფერი გამიგია. ეს ძალიან საინტერესო იყო. ეს ნივთები ჩემი ცხოვრების იმ ნაწილიდან იყო, რომლის შესახებაც კარგა ხანია დამავიწდა.“- განაცხადა მარტამ და მშენებლებს მადლობა გადაუხადა.