აშშ-ში, მინესოტას შტატი, ქალაქ კორმორანტის ძაღლი-მერი, მეტსახელად „დიუკი“ გასულ კვირას მოკვდა.

ძაღლი 13 წლისა და 90 დღის იყო და 2014 წლიდან ქალაქის მერის მოვალეობას ასრულებდა.

ინაგურაციამდე „დიუკს“ უყიდეს პიჯაკი, ჰალსტუხი და ქუდი-ცილინდრი. ადგილობრივმა მეწარმემ, მას საკვების ერთი წლის მარაგი გადასცა.

2014 წლის შემდეგ ძაღლი ქალაქ კორმორანტის მერად ოთხჯერ აირჩიეს. მან თანამდებობა გასულ წელს ჯანმრთელობის მდგომარეობისა და ასაკის გამო დატოვა.

ქალაქში სულ 1182 მოქალაქე ცხოვრობს. აშშ-ში ძაღლების ქალაქის მერად არჩევა არცთუისე იშვიათი ფაქტია.

]