ახალგაზრდა მამაკაცი ჯარში მსახურობდა და ფული სწორედ სამხედრო ბაზის ასლის გადამღებ აპარატზე დაამზადა, ამისთვის მას რამდენიმე დღე დაჭირდა. შემდეგ მან ყალბი ფული ნამდვილ ფულში შეურია და საცოლეს საქორწილო ხარჯების გასასტუმრებლად გადასცა. საცოლემ ყურადღება ფულის უცნაურ შესახედაობაზე გაამახვილა, თუმცა ჯარისკაცმა მას აუხსნა, რომ ასეთი ფული ბანკომატიდან აიღო, ამის დასადასტურებლად კი ბანკომატთან ახლოს მდებარე ნაგვის ურნიდან ამოღებული ჩეკები აჩვენა. საცოლემ გაურკვევლობის თავიდან ასაცილებლად მას პოლიციისთვის მიმართვა ურჩია.
მამაკაცმა გადაწყვიტა, რომ თუ ყალბი ფულის მიღების წყაროდ ბანკომატს დაასახელებდა, ბანკი მათ ნამდვილ ფულში გადაუცვლიდა და პოლიციაში საჩივარი შეიტანა, თუმცა პოლიციამ საქმე გამოიძია და საჩივრის შეტანიდან მეორე დღეს თავად ის დააპატიმრეს. საბეჭდი აპარატი და ჯარისაცის ნამდვილი და ყალბი ფულიც კონფისკაციას დაექვემდებარა.
მასალის გამოყენების პირობები






