დიდი ბრიტანეთის მთავრობის გეგმის თანახმად, წლის ბოლოსთვის ქვეყნის საავტომობილო გზატკეცილებზე, გამოცდის მიზნით გამოჩნდება ავტომობილები, რომელსაც მძღოლი არ ჰყავს, ან საერთოდ არ გააჩნია საჭე.

ასევე იგეგმება ამ ავტომობილების ტესტირების გახშირება და მთავარი ალგორითმის გაძლიერება, რაც მანქანის მოძრაობას უზრუნველყოფს.

ეს გამოცდა ჯდება ბრიტანელთა სურვილში, რომ 2021 წლისთვის თვითმართვადი ავტომობილების ბაზარი აითვისონ. ბრიტანეთის მთავრობა აცხადებს, რომ 2021 წლისთვის უპილოტო მანქანები უკვე კომერციულ გაყიდვაშიც გამოჩნდება.

ბრიტანელები აცხადებენ, რომ ამ იდეის განხორციელებისთვის ერთერთი ძირითადი ფაქტორი საგზაო ინფრასტრუქტური სრულ მზადყოფნაში მოყვანაა.

გეგმის მიხედვით, თვითმართვადი ავტომობილების ბაზარი 2035 წლისთვის, მხოლოდ დიდ ბრიტანეთში, $67 მილიონს მიაღწევს.