ძალადობა დედაზე და ხილიანზე გაჩენილი ხანძარი

ძალადობა დედაზე და ხილიანზე გაჩენილი ხანძარი - შსს-მ მამაკაცი დააკავა

სამართალი - 21:30, 12 Feb, 2019

2267

შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, ოჯახში ძალადობის ბრალდებით, 1989 წელს დაბადებული დ.ვ. დააკავეს.

უწყების განცხადებით, დაკავებული დ.ვ. იმ საცხოვრებელი სახლის მეპატრონეა, სადაც რამდენიმე საათის წინ ხილიანზე ხანძარი გაჩნდა.

„გამოძიებით დადგინდა, რომ ბრალდებულმა მიმდინარე წლის 10 თებერვალს თბილისში, ს.ჩიქოვანის ქუჩაზე, საკუთარ საცხოვრებელ სახლში დედას ფიზიკური შეურაცხყოფა მიაყენა და შემთხვევის ადგილიდან მიიმალა. იმავე დღეს სამართალდამცველებმა დაზარალებული თავშესაფარში გადაიყვანეს. პოლიციამ დ.ვ., ჩატარებული სამძებრო და საგამოძიებო მოქმედებების შედეგად, დანაშაულის ჩადენიდან ორ დღეში დააკავა. გამოძიება ოჯახში ძალადობის ფაქტზე მიმდინარეობს, საქართველოს სისხლის სამართლის კოდექსის 126-ე პრიმა მუხლის პირველი ნაწილით“, - აცხადებენ შს სამინისტროში.

ცნობილი ხდება, რომ დაკავებული პირი დედაზე სისტემატიურად ძალადობდა. მეზობლები ვარაუდობენ, რომ ხანძარი მამაკაცმა მიზანმიმართულად გააჩინა. მათი თქმით, მსგავი ფაქტი დ.ვ-მ გასულ წელსაც ჩაიდიინა.