თელავის გარემოსდაცვითი ზედამხედველობის დეპარტამენტის, კახეთის რეგიონული სამმართველოს სწრაფი რეაგირებისა და პატრულირების განყოფილების უფროსს ზაქარია ქინქლაძეს თბილისის საქალაქო სასამართლომ პატიმრობა შეუფარდა.

ზაქარია ქინქლაძეს ბრალი ედება ხე-ტყის გადამამუშავებელი საწარმოს დირექტორისგან, რამაზ ლეფსვერიძისგან, ქრთამის აღებაში იმის ნაცვლად, რომ მისთვის, ხე-ტყის უკანონო ჭრისას და რეალიზაციისას, მფარველობა გაეწია.

ასევე სასამართლომ ამავე საქმეზე დაკავებული ოთხი პირი პატიმრობაში დატოვა. დაცვის მხარე ბრალდებულებისთვის გირაოს შეფარდებას ითხოვდა, რაც სასამართლომ არ გაიზიარა. საქმეზე წინასასამართლო სხდომა 2 აპრილს გაიმართება.