კლუბებში ჩატარებული სპეცოპერაციისას ერთ-ერთი დაკავებულის, ქეთი მურუსიძის დედა, თეონა ტყაბლაძე ამბობს, რომ საკონტროლო შესყიდვისას ამოღებულ ნარკოტიკზე ქეთი მურუსიძის დნმ არ ამოსულა.

მისი თქმით, დანაშაულს, თაღლითობის ნაწილში დაკავების დღიდან აღიარებს.

ბრალდებულის დედის თქმით, არსებობს მტკიცებულება რომ ქეთი მურუსიძეს ნარკოტიკების რეალიზებაში მონაწილეობა არ მიუღია.

"მოცილების მიზნით აგენტ-პროვოკატორს გაციების წამალი, "ფლუკოლდი" მისცა. ნივთმტკიცება ნარკოტიკით აგენტ-პროვოკატორმა შეცვალა თუ არა, არ ვიცი. საკონტროლო შესყიდვისას ამოღებულ ნარკოტიკზე, რომელიც აგენტ-პროვიკატორმა პროკურატურას მიაწოდა, ექსპერტიზის შედეგად, ქეთის დნმ არ ამოვიდა, რაც ნიშნავს იმას, რომ ქეთის ამ ნაწილში ბრალი არ მიუძღვის", - განაცხადა ტყაბლაძემ.