ფილიპინებზე გოჭმა, რომელიც ორი თავით, ორი ცხვირით და სამი თვალით დაიბადა ადგილობრივი მაცხოვრებლები გააოცა. გოჭის და მისი პატრონის ვიდეო სოციალურ ქსელში 31 იანვარს გავრცელდა.

მუტანტი გოჭი სახელად მარა კლარა სულთან-კუდარატის პროვინციაში, სოფელ კალიანში გაჩნდა. ვიდეოში ჩანს რომ გოჭ მის პატრონს ადელინე დალიპეს უჭირავს სოფლის მაცხოვრებლების თვალწინ , შემდეგ კი დედა ღორთან მიჰყავს გამოსაკვებად.

დალიპე აღიარებს, რომ მარა კლარას დაბადების შემდეგ დაბნეული იყო, თუმცა მალევე დააფასა მისი უნიკალურობა.

„მე ვფიქრობ, რომ ამ გოჭს გაუმატლა, ის ხომ ასეთი არაჩვეულებრივია. სასწაულია რომ ის ცოცხალი და ჯანმრთელია. მას სხვა გოჭების მსგავსად ბევრი ენერგია აქვს. მე მას გავუფრთხილდები და ვიზრუნებ.“- ამბობს გოჭის პატრონი.

უცნაური გოჭი ცალკე გალიაშ ჰყავთ და მას მუდმივად მეთვალყურობენ.

მუტაციას, რომელიც გოჭს აქვს პოლიცეფალია ჰქვია. ეს ანომალია გვხვდება ქვეწარმავლებში, ძუძუმწოვრებში და ზოგჯერ ადამიანებშიც. თუ 2 ემბრიონი საშვილოსნოში ბოლომდე ვერ გაიყოფა, ინდივიდს ორი თავი უვითარდება, თუმცა ერთი რესპირატორული და საჭმლის მომნელებელი სისტემა აქვს. როგორც წესი მსგავსი ანომალიის მქონე არსებები დაბადებიდან მალევე იღუპებიან, თუმცა არსებობენ გამონაკლისებიც.