"მშობლებმა თავისი კმაყოფილებისთვის გამაჩინეს" - ინდოელი მამაკაცი მშობლებს ამ ქვეყანაზე მოვლენისთვის უჩივლებს

ეს საინტერესოა - 12:25, 05 Feb, 2019

2336

ინდოეთის მკვიდრი აპირებს თავსი მშობლებს იმისთვის უჩივლოს, რომ ის მისი ნებართვის გარეშე მოავლინეს ქვეყანას. ამის შესახებ Daily Mail-ი წერს.

რაფაელ ნადალი ქალაქ მუმბაიში ცხოვრობს, მისი თქმით, ის ანტინატალისტების მოძრაობის წევრია. 27 წლის მამაკაცი და მისი თანამოაზრეები თვლიან რომ ბავშვებს ამ სამყაროში მხოლოდ ტანჯვა ელოდებათ, ამიტომ ადამიანები არ უნდა გამრავლდნენ. სამუელი ბავშვების დაბადებას და აღზრდას „მოტაცებას და მონობას“ ადარებს.

ამასთან სამუელი ამბობს, რომ მშობლებთან კარგი ურთიერთობა აქვს და ისინი უყვარს.

„მე მიყვარს ჩემი მშობლები, კარგი ურთიერთობა გვაქვს, მაგრამ ჩემმა მშობლებმა მე გამაჩინეს თავისი კმაყოფილებისთვის. მე შესანიშნავი ცხოვრება მქონდა, მაგრამ მე არ მესმის, რატომ უნდა დავხარჯო ცხოვრება სკოლაზე და კარიერაზე, მით უმეტეს თუ არსებობა არ მითხოვია.“- აცხადებს ის.

სამუელს ფეისბუკზე თავისი გვერდი აქვს, სადაც თავის გამომწერებს საკუთარ იდეებს უზიარებს. ის თავის მშობლებს თვალთმაქცებს უწოდებს და აქვეყნებს სურათებს წარწერებით „თუ მშობლებმა ნამდვილად იციან თუ რა უნდათ ბავშვებს, მაშინ რაღატო აჩენენ მათ?“ ან „განა სამყაროში ადამიანის ძალით მოვლინება და შემდეგ მისი იძულება, რომ იმუშაოს, იგივე გატაცება და მონობა არაა?“

ამ მოძრაობის მეორე აქტივისთი პრატიმა ნაიკი თვლის, რომ შვილების გაჩენა ეგოისტობაა, რადგან დედამიწაზე ისედაც არ არის საკმარისი რესურსები უკვე არსებული ადამიანებისთვის. ის ამბობს, რომ მათ მოსაზრებას უფრო და უფრო მეტი ადამიანი იზიარებს.