61-ე საჯარო სკოლის დირექტორის მოადგილე ამბობს, რომ მოსწავლეებში შორის დღეს მომხდარი დაპირისპირების მიზეზი ხუმრობა გახდა.

მადინა ბაღდავაძოს ინფორმაციით, ინცინდენტის ინცინდენტის შედეგად არავინ დაშავებულა, მე-11 კლასის მოსწავლეებს მხოლოდ ნაკაწრები აქვთ.

“სასწრაფოს გამოძახება იმიტომ გახდა საჭირო, რომ ბავშვები გაკაწრულები იყვნენ, ერთ-ერთს სათვალე ეკეთა, სათვალეზე მოხვდა ხელი და ამ სათვალით გაიკაწრა. დაშავებულები არ არიან. მხოლოდ ორი მე-11 კლასელი იყო და ისინი აქ, სკოლაში არიან, კლინიკაში არ გადაუყვანიათ. მანდატურის სამსახური ასეთ შემთხვევებში ყოველთვის იძახებს სასწრაფოს და ჩვენც პრევენციის მიზნით ვიძახებთ ხოლმე, რომ მეტი გართულება არ მოჰყვეს. ისინი კი ამბობენ, რომ იხუმრეს, მაგრამ ჩვენ ხომ ზუსტად არ ვიცით შინაარსი”, - აღნიშნა ბაღდავაძემ.