"დისნეი" მძიმედ დაავადებულ ფანს ოცნებას აუხდენს და Avengers-ის ახალ ფილმს პრემიერამდე აჩვენებს

ეს საინტერესოა - 16:47, 31 Jan, 2019

2171

დაახლოებით ერთი თვის წინ, მძიმედ დაავადებულმა, 33 წლის ალექსანდერმა, რომელიც „მარველის“ ფილმების ფანია, რედითზე დაწერა, რომ მისი ბოლო სურვილი, „შურისმაძიებლების“ ბოლო ფილმის Avengers: Endgame ნახვაა, რომელიც გადაღებულია, თუმცა მისი პრემიერა აპრილში გაიმართება.

ის წერდა, რომ სასიკვდილოდ არის დაავადებული და სავარაუდოდ, აპრილამდე ვერ იცოცხლებს.

მისმა ისტორიამ, სრულიად რედითი მოიცავა.

როგორც ახალგაზრდა მამაკაცი ამბობს, 2017 წლამდე ის ჯანმრთელი ადამიანი იყო. მაშინ კიბო აღმოაჩნდა, 32 წლის ასაკში კი დაუდგინდა, რომ მას უიშვიათესი გენეტიკური დაავადება ფანკონი ანემია აქვს. ყველაზე ცუდი კი ის არის, რომ ქიმიოთერაპია, რითაც სიცოცხლის გახანგრძლივებაა შესაძლებელი, ამ გენეტიკურ დაავადებაზე უარყოფითად მოქმედებს. როგორც გაირკვა, მისი და 32 წლის ასაკში აღნიშნული დაავადებით გარდაიცვალა.

„ღვიძლის კიბო, პირის ღრუს კიბო, ძვლების პრობლემები. აპრილამდე ალბათ მოვკვდები. გამიგია, რომ ხალხი პრემიერამდე უყურებს ხოლმე ფილმებს.

როგორ შემიძლია იგივე გავაკეთო?

არც ბავშვი ვარ და არც განსაკუთრებული ისტორია მაქვს. უბრალო ბიჭი ვარ. 33 წლის, სამი წლის წინ და დავკარგე იმ გენეტიკური დაავადებით, რაც მეც მაქვს“ -წერსა რედითზე.

მოგვიანებით დაწერა, რომ გაოგნებულია, რადგან უამრავი ადამიანი გამოეხმაურა. თვითერზე ჰეშთეგიც კი გაჩნდა “Avengers4Alexander”. მისი თქმით, ნაცნობმა უთხრა, ინფორმაციამ „მარველის“ ერთერთი გმირის, თორის როლის შემსრულებლამდე კრის ჰემსვორტამდე მიაღწია, რომელმაც პირობა დადო, რომ ალექსანდერის სურვილის შესასრულებლად აუცილებლად იღონებდა ყველაფერს.

და მართლაც, „დისნეის“ გუნდა ალექსანდერს მისწერა, რომ მისი ოცნების ახდენაზე მუშაობა დაიწყო. ამის შესახებ მან რედდითზე დაწერა.

„ჩვენ ეს შევძელით რედდით!

Disney დამიკავშირდა და ახლა დეტალებს განვიხილავთ. ვტიროდი, როცა მათ იმეილი წავიკითხე. ეს ის არის რაზეც ვოცნებობდი და ეს ყველაფერი თქვენი დამსახურებით შევძელი“ - წერს ალექსანდერი.