მსოფლიოში ყველაზე პოპულარულმა კვერცხმა პირველი ინტერვიუ მისცა და საზოგადოებას თავისი სახელი გაანდო (ფოტოები)

ეს საინტერესოა - 12:57, 29 Jan, 2019

2464

მსოფლიოში ყველაზე პოპულარულმა კვერცხმა, რომელსაც Instagram-ზე ამ დროისთვის 51.5 მილიონი მოწონება აქვს, პირველი ინტერვიუ გამოცემა Hypebeast-ს მისცა.

ინტერვიუში რეკორდსმენმა-კვერცხმა თავისი სახელიც დაასახელა და საზოგადოებას წარუდგა როგორც იუჯინი:

„მე გადავწყვიტე გამოვიყენო ეს შესაძლებლობა იმისთვის, რომ მსოფლიოს ცოტაოდენი იმედი მივცე. მინდა ვთქვა, რომ არაა საჭირო იყო ცნობილი, გაფილტრული და იდეალური იმისთვის, რომ რაიმე შეცვალო.“

იუჯინმა მადლობა გადაუხადა თავის გამომწერებს მხარდაჭერისთვის და აღნიშნა, რომ „ინტერნეტი გაერთიანდა და მე დაუჯერებელი შესაძლებლობა მომცა, ამიტომ მე მათ მინდა, რომ იგივეთი ვუპასუხო.“

იუჯინის თქმით, მისი მთავარი მიზანი არის რომ სიკეთით გადაუხადოს იმ ძალაუფლებისთვის, რომელიც მას სოციალური ქსელებით მიენიჭა. მას უკვე აქვს საკუთარი ონლაინ-მაღაზია, რომლის შემოსავალიც საქველმოქმედო ორგანიზაციაში მიდის, რომელიც ფსიქიკური ჯანმრთელობის საკითხებზე მუშაობს.

ინტერვიუს დასასრულს კვერცხმა თავისი არასაჯაროობა იმით ახსნა, რომ მას უხერხულობას უქმნის საზოგადოების წინაშე გამოჩენა მას შემდეგ რაც მისი „შიშველი ფოტოები“ ქსელში მოხვდა და წარმოუდგენელი აჟიოტაჟი გამოიწვია.