შინაგან საქმეთა სამინისტრო დეპუტატ დავით ჭიჭინაძის მიერ გაკეთებულ განცხადებაზე სამართლებრივ რეაგირებას მოახდენს. ამის შესახებ "ნიუპოსტს" უწყებაში განუცხადეს.

„საჯაროდ გაკეთებულ განცხადებაზე, რომელიც შესაძლოა, შეიცავდეს დანაშაულის ნიშნებს, კანონით დადგენილ ფარგლებში შინაგან საქმეთა სამინისტრო სამართლებრივ რეაგირებას მოახდენს“, - აცხადებენ შს სამინისტროში.

საპარლამენტო უმრავლესობის წევრის, დავით ჭიჭინაძის, თქმით, გუშინ, ღამით, დაიწყეს ერთ-ერთი პოლიტიკოსის პირადი ცხოვრების ამსახველი კადრების გავრცელება.