ქრთამის აღების ფაქტზე დაკავებულ წყალტუბოს საკრებულოს თავმჯდომარე გრიგოლ ივანეიშვილსა და ქრთამის აღებაში დახმარების ბრალდებით დაკავებულ ვაკის რაიონის გამგებლის მოადგილეს, თეიმურაზ ჩოჩუას აღკვეთის ღონისძიების სახედ პატიმრობა შეეფარდათ.

გრიგოლ ივანეიშვილს გამოძიება განსაკუთრებით დიდი ოდენობით ქრთამის აღებას ედავება. როგორც ადვოკატი განმარტავს, მისი დაცვის ქვეშ მყოფი თავს უდანაშაულოდ მიიჩნევს.

რაც შეეხება ვაკის რაიონის გამგებლის მოადგილეს, თეიმურაზ ჩოჩუას, დანაშაულს არც ის აღიარებს.