"ბეტონის კედელს მიმანარცხა... ვეღარ გიშველის ნაციონალი ბიძაშენიო... ვინ არის ასეთი, პოლიცია რომ არ აკავებს?!..."

"ბეტონის კედელს მიმანარცხა... ვეღარ გიშველის ნაციონალი ბიძაშენიო... ვინ არის ასეთი, პოლიცია რომ არ აკავებს?!..." - თბილისში ქალს ფიზიკურად გაუსწორდნენ

შემთხვევა - 00:34, 26 Jan, 2019

5525

თბილისში მცხოვრები ერთ-ერთი მოქალაქე, ირენა სტურუას უცნობი პირი ფიზიკურად გაუსწორდნენ. ამის შესახებ ის ფეისბუქის საკუთარ გვერდზე წერს.

ირენა სტურუა მომხდარის დეტალებს ჰყვება და ამბობს, რომ ამ დრომდე საქმე სრულფასოვნად არ არის გამოძიებული, ხოლო სამართალდამცავმა უწყებებმა მომხდარზე საქმე აღძრეს მუქარის ფაქტზე სს კოდექსის 151-ე მუხლით. დაზარალებული აცხადებს, რომ დღემდე არ გამოუკითხავთ თვითმხილველები და არც სათვალთვალო კამერაა ამოღებული, რომელიც იმ ტერიტორიაზეა დამონტაჟებული.

ჩემი მეგობრების ნაწილმა იცის, ნაწილმა არა, მაგრამ ახლა გადავწყვიტე საჯაროდ მეთქვა ის, რაც 2018 წლის 10 დეკემბერს გადამხდა თავს. ძალიან მჭირდება თქვენი მხარდაჭერა. დღემდე მიმძიმს ამ თემაზე საუბარი, მაგრამ სახელმწიფოს, კერძოდ ძალოვანი სტრუქტურების მიერ აქამდე გამოჩენილმა გულგრილობამ და უმოქმედობამ იძულებული გამხადა საჯაროდ დამეწერა პოსტი.

მოკლედ, 10 დეკემბერს, საღამოს როცა სახლში ვბრუნდებიდი უკნიდან მომეპარა ჩემთვის უცნობი პიროვნება და მთელი სიძლიერით შემანარცხა ბეტონის კედელს, რამდენი წამი გონება დამებინდა, გონზე რომ მოვედი მეგონა შემთხვევით დანეჯახა და სანამ საყვედურის თქმას დავიწყებდი გააგრძელა ფიზიკური ძალადობა, მახსოვს როგორ მაგინებდა მემუქრებოდა,- თუმცა კორექტულობიდან გამომდინარე აქ არ დავწერ იმ სიტყვებს, თუმცა დეტალურად მოვუყევი გამომძიებელს.

ჩემს ყვირილზე გამოვიდნენ მეზობლები რომლებმაც გამოიძახეს პატრული, მოკლედ მოძალადემ როგორც კი დაინახა მეზობლები ჩემს დასახმარებლად მოდიოდნენ ძალიან მშვიდად გამეცალა, მანამდე კი მითხრა- შემდეგში ასე იოლად ვერ გადავურჩები. ის კი არა ჩემს დასახმარებლად წამოსულ მეზობელს მშვიდად ჩაურა, აქვე დავწერ, რომ იმ ქუჩაზე სადაც ჩემზე ფიზიკური ძალადობა განხორციელდა არის ვიდეო სათვალთვალო კამერები( რამდენიმე თვის წინ ჩემს სახლში ქურდი შემოიპარა და სწორედ ამ კამერის ჩანაწერებით გახსნეს საქმე) . მოკლედ ექსპერტიზა ჩამიტარდა 2 დღის შემდეგ, მეც კი არაპროფესიონალი ვფიქრობდი რომ ექსპერტზა გვიანდებოდა.
საქმეზე ძიებას აწარმოებს ძველი თბილისის სამმართველოს მე-3 განყოფილება და ყველაზე მთავარი- საქმე აღძრულია მუქარის ფაქტზე სს კოდექსის 151-ე მუხლით, ანუ რა გამოდის მე ფიზიკურად კი არ გამისწორდნენ უბრალოდ ქუჩაში დამხვდნენ და დამემუქრნენ, რაც ნამდვილად არის მომხდარის არასწორი კვალიფიკაცია, დღემდე არ ვარ დაზარალებულად ცნობილი, დღემდე არაა გამოკითხილი თვითმხილველები, ის ადამიანიც კი არ დაუკითხავთ ვინც საპატრულო პოლიცია გამოიძახა.

ვინაიდან ჯერ დაზარალებულად ცნობილი არ ვარ საქმის მასალებსაც ვერ ვეცნობი( მოწმეები მეზობლები არიან და აქედან მაქვს ინფორმაცია იმის შესახებ რომ არ დაუკითხავთ) მივმართე პრეზიდენტის ადმინისტრაციასაც თუმცა რეაგირება ნული! ვაპირებ მივმართო სახალხო დამცველს.

მართლა აღარ ვიცი როგორ უნდა მოვიქცე, განა ვინ არის ასეთი ის მოძალედე რომ ამდენი თვითმხილველის და კამერების ჩანაწერის არსებობის შემთხვევაშიც არ აკავებენ. გარდა ემოციურად მძიმე ფონისა მაწუხებს და მაშინებს ის ფაქტი, რომ დღეს ან ხვალ ისევ თავს დამესხმება და ვეღარ გადავურჩები!" - წერს ირენა სტურუა.

"ნიუპოსტი" მომხდართან დაკავშირებით დაზარალებულს ესაუბრა, სტურუა ჩვენთან კომენტარში აცხადებს, რომ თავდამსხმელი მას სავარაუდოდ იცნობდა, რადგან მუქარის ტონით ეუბნებოდა, რომ ის იყო ნაციონალური მოძრაობის მხარდამჭერი და ამ ქვეყნიდან უნდა წასულიყო. "მიყვიროდა, ვეღარ გიშველის ნაციონალი ბიძაშენიო. შენნაირები აქ არ უნდა ცხოვრობდნენ, წაეთრიე ამ ქვეყნიდანო" - აცხადებს ირენა სტურუა.