მეცნიერებმა აღმოაჩინეს გენები, რომელიც ადამიანის სიგამხდრეს უზრუნველყოფს

ეს საინტერესოა - 16:00, 25 Jan, 2019

7621

მეცნიერები აცხადებენ, რომ აღმოაჩინეს გენი, რომელიც ადამიანის სიგამხდრეზეა პასუხისმგებელი. საუბარია ისეთ შემთხვევაზე, როდესაც ერთნაირი კვების რეჟიმის შემთხვევაში ერთი ადამიანი სუქდება, ხოლო მეორე - არა.

კვლევის შედეგებში, რომელიც გამოქვეყნდა ჟურნალ PLOS Genetics-ში, აღნიშნულია, რომ არსებობენ გენები, რომლებიც ფაქტობრივად მათი მფლობელების სიგამხდრეს უზრუნველყოფენ.

"არსებობენ დაბადებით ბედნიერი ადამიანები, რომელთა მოხდენილი ფიგურა არც სწორი კვებითი რეჟიმის და არც სპორტული ცხოვრების წესის შედეგი არ არის - ეს უბრალოდ მათი გენეტიკური მოცემულობაა," - აცხადებენ მეცნიერები.

გამოკვლევის დროს, მეცნიერებმა შეისწავლეს 1600-ზე მეტი გამხდარი და ჯანმრთელი ადამიანის გენეტიკური მონაცემები, რომელთაც მასის ინდექსი 18-ზე დაბალია. ასევე, მათ შეისწავლეს 2000 ადამიანი, რომელსაც ჭარბი წონა აქვს და 10400 ნორმალური წონის ადამიანი.

კვლევის მონაწილეებმა ასევე მათი ცხოვრების წესისა და კვების რეჟიმის შესახებ ინფორმაციაც მიწოდეს ექიმებს.

როგორც გაირკვა, ჭარბწონიან ადამიანებს გამოუვლინდათ გენების კრებული, რომლებიც სიმსუქნისადმი მიდრეკილებას იწვევს, რომლებიც არ იყვნენ გამხდარი ადამიანების ორგანიზმში და სანაცვლოდ ჰქონდათ გენები, რომლებიც იწვევენ სიგამხდრეს.

შემდეგი ეტაპისთვის, მეცნიერები შეეცდებიან ზუსტად განსაზღვრონ გენების ის ერთობლიობა, რომლებიც სიგამხდრეს უწყობს ხელს და უფრო შორსაც წავიდნენ - დადგინონ, შესაძლებელი იქნება თუ არა მათი მეშვეობით ჭარბწონიანობის მკურნალობის ახალი მეთოდების შემუშავება.