მოსამართლე რომან ხორავან ბრიტანეთის მოქალაქე ჯეკ შეპარდს სამთვიანი საექსტრადიციო პატიმრობა შეუფარდა. გადაწყვეტილების გამოცხადებამდე შეფარდმა მოსამართლეს მიმართა და იმ მიზეზებზე ისაუბრა, რის გამოც ჩაბარების გადაწყვეტილება მიიღო.

შეპარდი, რომლსაც ინტერპოლი ეძებდა, საქართველოს პოლიციას 2 დღის წინ ჩაბარდა. აღსანიშნავია, რომ წითელი ცირკულარით ძებნილი 10 თვის განმავლობაში თბილისში უპრობლემოდ ცხოვრობდა.

შეპარდის ბრიტანულმა სასამართლომ დაუსწრებლად 6 წლიანი პატიმრობა მიუსაჯა. საქმე ეხება უბედურ შემთხვევას, როდესაც კატერით სეირნობის დროს, რომელიც ამობრუნდა შეპარდის შეყვარებული გარდაიცვალა. ბრიტანული სკოტლანდ იარდის მიერ გავრცელებული ვერსიით, ის კატერს ნასვამ მდგომარეობაში მართავდა.