აპოკალიფსის ახალი თარიღი - რუსი მეცნიერების მტკიცებით ასტეროიდი "აპოფის 99 942" დედამიწას 2068 წელს შეეჯახება

ეს საინტერესოა - 18:45, 21 Jan, 2019

3459

რუსული მედიის ცნობით, სანკტ-პეტერბურგის უნივერსიტეტის კოსმოსური მექანიკის კათედრის მეცნიერები აცხადებენ, რომ დედამიწის მიმართულებით მოფრინავს დიდი ზომის ასტეროიდი - აპოფისი, რომელიც ჩვენს პლანეტას 2068 წელს შეეჯახება.

ისინი ირწმუნებიან, რომ 2029 წლის 13 აპრილს, აპოფისი დედამიწასთან სახიფათო მანძილზე - 38 000 კილომეტრზე მოახლოვდება. შედარებისთვის ეს მანძილი ათჯერ ნაკლებია, ვიდრე მანძილი მთვარემდე.

ასტეროიდის მოახლოება ჩვენს პლანეტაზე არაკონტროლირებად ცვლილებებს გამოიწვევს. ციური სხეული მისი ტრაექტორიის მიხედვით, დედამიწას დაუბრუნდება 2044, 2051, 2060 წლებში, ხოლო 2068 წელს მას პირდაპირ შეეჯახება,

ასტრონომები აცხადებენ, რომ დღეს კაცობრიობას არ აქვს ისეთი ტექნოლოგია, რომ ეს შეჯახება თავიდან აიცილოს.

ასტეროიდი აპოფის 99 942, რომლის დიამეტრიც 325 მეტრია, და 50 მილიონამდე ტონას იწონის, 2004 წელს აღმოაჩინეს არიზონას ობსერვატორიაში. მას ეგვიპტური ბოროტი ღმერთის გველი-გამანადგურებელის სახელი უწოდეს, რომელიც მზის (რას) განადგურებას ცდილობს.

თავის დროზე NASA-ს რეაქტიული მოძრაობის ლაბორატორიამ, პიზისა და ჰავაის უნივერსიტეტებმა ასეთი კოსმოსური კატასტროფის ალბათობა 2,3 1 მილიონთან შეფარდებით შეაფასეს.მათი განცხადებით, შეჯახება ექვივალენტური იქნება 506 მეგატონა ტროტილია აფეთქებისა (შედარებისთვის ტუნგუსის მეტეორის შეჯახებამ 20-40 მეგატონის, კრაკატაუს ვულკანის აფეთქება - 200 მეგატონის, თერმობირთვული საავიაციო ბომბის ან602 აფეთქება 58 მეგატონის სიმძლავრის იყო).

ვარაუდობენ მოვლლენათა განვითარების 2 სცენარს:

1. ასტეროიდი დაეცემა ხმელეთზე. ვარდნა გაოიწვევს უმძლავრეს მიწისძვრებსა და აფეთქებას, წარმოიქმნება 6 კილომეტრის დიამეტრის კრატერი, ატმოსფეროში გაიბნევა კვამლისა და მტვრის უზომოდ დიდი რაოდენობა.

2. ასტეროიდი დაეცემა წყლის ზედაპირზე. ეს გამოიწვევს ისტორიაში ყველაზე გიგანტურ ცუნამის. წყლის დონე დედამიწის ყველა ზღვა და ოკეანეში საგრძნობლად გაიზრდება.

ორივე შემთხვევაში მოსალოდნელია დიდი მსხვერპლი ადამიანთა შორის..

რაც შეეხება NASA-ს, სააგენტო დღემდე აცხადებდა, რომ 2068 წელს ასტეროიდის დედამიწაზე უშუალო ზეგავლენის მოხდენის ალბათობა 1/150000.წყარო - https://www.express.co.uk.