ილონ მასკის გეგმა მარსის კოლონიზაციაზე სახელმწიფო რესურსების დახმარების გარეშე აუსრულებელი იქნება

ილონ მასკის გეგმა მარსის კოლონიზაციაზე სახელმწიფო რესურსების დახმარების გარეშე აუსრულებელი იქნება - ესპანელი ასტრონავტი

ეს საინტერესოა - 15:34, 18 Jan, 2019

1806

SpaceX-ის ხელმძღვანელის ილონ მასკის გეგმები მარსის კოლონიზაცის თაობაზე აუსრულებელი იქნება, თუ მას სახელმწიფო რესურსებით არ დაეხმარებიან, აცხადებს ესპანეთის მეცნიერებისა, ინოვაციებისა და უმაღლესი სასწავლებლების მინისტრმა, ყოფილმა ასტრონავტმა პედრო დუკე. დუკე ერთადერთი ესპანელი ასტრონავტია, რომელიც კოსმოსში ორჯერ გაფრინდა - პირველად, 1998 წელს ამერიკული შატლის D-ის მეშვეობით, ხოლო 2003 წელს საერთაშორისო კოსმოსურ სადგურზე, რუსული კოსმოსური ხომალდის "Союз"-ის საშუალებით.

2016 წელს ილონ მასკმა განაცხადა, რომ მისი გეგმაა ადამიანები საპლანეტთაშორისო რასად აქციოს და მარსზე მილიონამდე ადამიანი დაასახლოს. მისი თქმით, ფრენა კომერციული იქნება - ბილეთი 100 000 დოლარი ეღირება. ფრენა 2 წელს გასტანს. კოლონისტები მარსზე მეგაპოლისს გააშენებენ და იქ სამუდამოდ დასახლდებიან.

სწორედ ამ გეგმაზე ისაუბრა მინისტრმა დუკემ, რომელიც ეჭვობს რომ ეს პროექტი კერძო ბიზნესმა დააფინანსოს.

"არ არსებობს ისეთი ბიზნესმენი, რომელმაც 25-30 წლის შემდგომი პერსპექტივა დააფინანსოს. მითუმეტეს, რომ საეჭვოა ამ პროექტმა დიდი მოგება მოიტანოს. ვერც ე.წ. კოსმოსური ტურიზმი მოიტანს შემოსავლებს. შეიძლება ვინმემ იყიდოს ბილეთი, გაემგზავროს მარსზე, შემდეგ დაბრუნდეს. მაგრამ იქ უამრავი ადამიანი იქნება გასაგზავნი და ასობით ათასი ტონა ტვირთი. არ მგონია, რომ კოსმოსური ტურიზმი ადვილი განსახორციელებელი იყოს. მოკლევადიანი კომერციული გაფრენა დედამიწის ორბიტაზე რამდენიმე საათით, ან დღით, უფრო ადრე, შესაძლოა წელსაც დაიწყოს. კოსმოსის ფართომასშტაბიან ათვისებას წამყვან სახელმწიფოთა დაინტერესება სჭირდება," - აცხადებს ყოფილი ასტრონავტი.