"ბიჭობაც ყოფნის, რომ საჩხუბარი თუა იჩხუბოს" - გია კორკოტაშვილი ვერაზე მომხდარ გარჩევაში მისი შვილის შესძლო მონაწილეობაზე კომენტარს აკეთებს

სამართალი - 18:50, 16 Jan, 2019

3824

"ქართული მარშის" ყოფილი ლიდერი, გია კორკოტაშვილი, ვერაზე მომხდარი სისხლიანი დაპირისპირების საქმეში მისი შვილის, ვაჟა კორკოტაშვილის მონაწილეობას უარყოფს.

კორკოტაშვილი აცხადებს, რომ მისი ვაჟი კონფლიქტისას დაჭრილ ერთ-ერთი პირის მეგობარია.

„ზუკას ვიცნობ მეც , რავიცი ჩვეულებრივი ის არის რა... ვიცი რომ დაჭრილია. ადუაშვილიც ვიცი რომ ჯანმრთელადაა. იმათ საერთოდ არ ვიცნობ პრეზიდენტის სიძის მხარეს. ვაჟიკო რაზე ამოტივტივდა არ ვიცი, შეიძლება მეგობრები არიან ზუკა და ეგ.თუ მონაწილეობდა იქ უშუალოდ უნდა ყოფილიყო, სამართალდამცველები დააკავებდნენ.

ისეთი ცხოვრება მაქვს მე დაძაბული და ის რომ ეგეთი ჩხუბი რომ მოსვლოდა ვაჟიკო ეგეთ რამეზე საქმის კურსში არ მაყენებს, თავის პიროვნული ბიჭობაც ყოფნის და ყველაფერიც, რომ საჩხუბარი თუა იჩხუბოს მოსაფერებელი თუა მოეფეროს,“-ამბობს გია კორკოტაშვილი.

ის, რომ ტატიშვილის ქუჩაზე დაწყებულ სისხლიან დაპირისპირებაში მონაწილე ერთ-ერთი პირი გია კორკოტაშვილის შვილი, ვაჟა კორკოტაშვილია, "კურიერმა" წყაროზე დაყრდნობით გაავრცელა.

ირკვევა, რომ სროლას და დანით გიორგი ადუაშვილის დაჭრას წინ საქმის გარჩევა უძღოდა, რომელშიც ვაჟა კორკოტაშვილი მონაწილეობდა. ერთ-ერთი ვერსიით კონფლიქტი ახალგაზრდებს შორის სწორედ კორკოტაშვილის სახლში დაიწყო და შემდეგ ტატიშვილის ქუჩაზე გაგრძელდა.

ვერაზე გუშინ ორი ახალგაზრდა დაჭრეს. შს სამინისტრომ ფაქტზე ორი პირი გიორგი ადუაშვილი და კოტე ჯორბენაძე დააკავა.

ადუაშვილს განზრახ მკვლელობის მცდელობის მუხლით გაასამართლებენ. ჯორბენაძეს გამოძიება დანაშაულის დაფარვას ედავება.