აპოკალიფსის ახალი თარიღი დასახელდა - NASA-ს თანამშრომლის პასუხი სამყაროს დასასრულის წინასწარმეტყველებს

ეს საინტერესოა - 16:08, 16 Jan, 2019

28357

ამერიკელმა ბიბლიურმა თეორეტიკოსმა დევიდ მონტენიემ წლის დასაწყისში განაცხადა, რომ მაიას კალენდრის გაშიფვრისა და გამოთვლების დროს, როდესაც სამყაროს აღსასრულის დღედ 2012 წლის 21 დეკემბერი გამოცხადდა, შეცდომა იქნა დაშვებული. მისი თქმით, მან ახალი გამოთვლები ჩაატარა და აღმოაჩინა, რომ აპოკალიფსი შვიდი წლის დაგვიანებით, 2019 წლის 21 დეკემბერს მოხდება.

მისი თქმით, 2019 წელს მოხდება მთელი რიგი ასტრონომიული მოვლენები - ვარსკვლავებისა და პლანეტების "აღლუმი", რაც დედამიწის პოლუსების გადანაცვლებას გამოიწვევს. მონტენიეს ეთანხმებიან უფოლოგებიც - მათი თქმით, NASA და სხვა კოსმოსური სააგენტოები ადამიანებს სიმართლეს უმალავენ, რადგან პლანეტა ნიბირუ, რომელიც დედამიწის დაღუპვას გამოიწვევს, არსად წასულა, უბრალოდ ის ჯერ არ მოახლოვებია ჩვენს ორბიტას.

NASA უკვე დიდი ხანია არ პასუხობს ამგვარ "წინასწარმეტყველებებს" და მის წინააღმდეგ გაჟღერებულ ბრალდებებს, თუმცა, სააგენტოს თანამშრომელმა მიშელ ტალერმა მათ პასუხი ხუმრობით გასცა.

"თქვენ მაშინ უნდა შეშფოთდეთ, როდესაც აღმოაჩენთ, რომ NASA-ს თანამშრომლების ანგარიშებზე ფული გათავდა," - განაცხადა მან.