უამრავი მარტოხელა ადამიანია, რომელიც ნამდვილი სიყვარულის პოვნაზე ოცნებობს. ზოგისთვის ეს არც ისე მარტივად მიღწევადი ოცნებაა. ნაკლები შანსია სიყვარულის პოვნის, თუ ამ საკითხისადმი საკუთარ დამოკიდებულებას არ შეცვლით და ვერც ონლაინ გაცნობის საიტები დაგეხმარებათ, თუ სწორად არ იმოქმედებთ.

სიყვარული განსაკუთრებული რამაა და სწორედ ისაა ურთიერთობების წარმატების საფუძველი. სიყვარულია, როცა ორი ადამიანი ერთ ოთახში ჩუმად ზის და უსიტყვოდ ესმით ერთმანეთის. თუ ასეთ მაგიურ სიყვარულზე ოცნებობთ, ფსიქოლოგებმა გადაწყვიტეს, რომ ერთგვარად გიდობა გაგიწიონ.

ისინი გვაძლევენ 3 მთავარ რჩევას და ამბობენ, რომ თუ ამ რჩევებს გავითვალისწინებთ, 2019 წელს აუცილებლად ვიპოვნით ნამდვილ სიყვარულს.

1. პირველ რიგში, იპოვეთ საკუთარი თავი - როცა რომანტიკულ პარტნიორს ეძებთ, თქვენი მთავარი მიზანი მხოლოდ იმ ადამიანის პოვნა კი არ უნდა იყოს, რომელიც უბრალოდ თქვენ გვერდით იქნება, არამედ ის უნდა იყოს პარტნიორი, რომელთანაც ააგებთ ბედნიერ ცხოვრებას, შექმნით ბედნიერ მომავალს. მაგრამ იმ შემთხვევაში, თუ არ იცით ვინ ხართ, ყველანაირი ურთიერთობა წარუმატებელი იქნება. პირველ რიგში, დაუთმეთ დრო საკუთარ თავს, თვითგამორკვევას, იფიქრეთ იმაზე, თუ ვინ ხართ სინამდვილეში. და მაშინ, როცა შეიცნობთ საკუთარ თავს და გაერკვევით ვინ ხართ რეალურად, უფრო მარტივად მიხვდებით, თუ რა გინდათ და რას ეძებთ ამ სამყაროში.

2. ისიამოვნეთ - სასოწარკვეთილება არ არის მომხიბვლელი. იმის გამო, რომ მარტოხელა ხართ, ნუ მიეცებით უიმედობას, დეპრესიას. თქვენ არ ხართ ერთადერთი მარტოხელა ადამიანი დედამიწაზე. გარშემო უამრავი მარტოხელაა და არის ისიც, ვინც გეძებთ. წარუმატებელი პაემანი არ ნიშნავს, რომ ხელი უნდა ჩაიქნიოთ და მომდევნო პაემანზე უარი თქვათ. შეინარჩუნეთ პოზიტიური განწყობა, ოპტიმიზმი, იმედი და ეს გარეგნულ მშვენიერებასაც შეგმატებთ. უბრალოდ ისიამოვნეთ მომენტებით, დატკბით, შეინარჩუნეთ კარგი განწყობა. გახსოვდეთ, რომ პოზიტიური ადამიანი მაგნიტივით იზიდავს გარშემომყოფებს.

3. ეცადეთ, იყოთ საუკეთესო პარტნიორი - როცა იცით რა გსურთ, როცა უკვე ადამიანებთან ურთიერთობის გამოცდილებაც გაქვთ, ახლა თვითანალიზის დროა. როცა იპოვნი შესაფერ კაცს, ან ქალს, პოტენციურ პარტნიორს, ახლა იმაზე დაფიქრდით იქნებით თუ არა მისთვის იდეალური რომანტიკული პარტნიორი და რა უნარები უნდა გამოიმუშაოთ იმისთვის, რომ იდეალური გახდეთ? იმუშავეთ საკუთარ თავზე და გახდით საოცნებო პარტნიორი, ისეთი, როგორსაც თქვენი საყვარელი ადამიანი იმსახურებს.


წყარო: Trend.Ge