ფიზიკური დაპირისპირება სამართალდამცავებს შორის - შსს-მ გამოძიება დაიწყო

ფიზიკური დაპირისპირება სამართალდამცავებს შორის - შსს-მ გამოძიება დაიწყო - რა ბედი ელით მაღალჩინოსნებს

სამართალი - 12:56, 12 Jan, 2019

3274

ვანში მომხდარ დაპირისპირებაზე, რომლებშიც პოლიციის მაღალჩინოსნები ფიგურირებენ, შინაგან სამეთა სამინისტრომ გამოძიება დაიწყო.

როგორც "ნიუპოსტს" უწყებაში განუცხადეს, გამოძიება ძალადობის მუხლით მიმდინარეობს. ხოლო ინციდენტში მონაწილე სამართალდამცველებს სამსახურეობრივი უფლებამოსილება შეუჩერდათ.

"11 იანვარს, ვანში, ერთ-ერთ კვების ობიექტზე მომხდარ ინციდენტზე გამოძიება ძალადობის ფაქტზე, სსკ-ს 126-ე მუხლით დაიწყო.

ფაქტის შესწავლა ასევე დაიწყო შინაგან საქმეთა სამინისტროს გენერალურმა ინსპექციამ. ინციდენტში მონაწილე სამართალდამცველებს შეუჩერდათ სამსახურეობრივი უფლებამოსილება.

გამოძიება დაადგებს ჰქონდა თუ არა პოლიციელების მხრიდან რაიმე სახის გადაცდომას ადგილი.

ნებისმიერი სამართალდამცველის მხრიდან პროფესიული ეთიკის და პოლიციელის ღირსების შემლახველ ყველა ქმედებას შინაგან საქმეთა სამინისტროს მხრიდან მოჰყვება მკაცრი სამართლებრივი რეაგირება”- განუცხადეს „ნიუპოსტს“ გახარიას უწყყებაში.

ვანის მუნიციპალიტეტში მონხდარი ფიზიკური დაპირისპირების შესახებ „ნიუპოსტს“ გუშინ აცნობეს.

წყაროს ცნობით, ინციდენტი სამართალდამცავი უწყებების მაღალჩინოსნებს შორის ერთ-ერთი რესტორანში, სუფრასთან დაიწყო, სადაც, ვანის პოლიციის უფროსის მოადგილემ კობა დვალიშვილმა პროკურორი და მასთან ერთად მყოფი პირი ცემა.

როგორც გავარკვიეთ, სუფრასთან ასევე იმყოფებოდნენ ვანის პოლიციის უფროსი სერგო ადეიშვილი და სამტრედიის მთავარი პროკურორის მოვალეობის შემსრულებელი გრიგოლ კეზევაძე.