„ამ დრომდე ჩვენ ვიცოდით, რომ არსებობდა მხოლოდ ერთი წყარო. მეორე განმეორებითი სიგნალის აღმოჩენა კი მიუთითებს იმაზე, რომ ის ბევრი უნდა იყოს. მათი აღმოჩენა და შესწავლა ჩვენ დაგვეხმარება ამოვხსნათ ეს კოსმოსური ამოცანა და გავიგოთ საიდან მოდის ეს სიგნალები“- განაცხადა ვანკუვერის უნივერსიტეტის მკვლევარმა ინგრიდ სტეირსმა.
რადიო ამოფრქვევები მხოლოდ რამდენიმე მილიწამი გრძელდება, თუმცა ამ დროს იმდენი ენერგია გამოთავისუფლდება, რამდენის გამოსასხივებლადაც მზეს 12 თვე სჭირდება.
ეს მეორე შემთხვევაა, როდესაც მეცნიერებმა მსგავსი განმეორებადი სწრაფი რადიო ამოფრქვევები დააფიქსირეს. მეცნიერები ჯერჯერობით ვერ ხსნიან რა იწვევს შორეული გალაკქტიკიდან მომავალ ასეთ ძლიერ რადიოსიგნალებს. არსებობს რამდენიმე თეორია, მათ შორისაა ახალი ვარსკვლავის დაბადება, ნეიტრონული ვარსკვლავები, შავი ხვრელების შეჯახება ან უცხოპლანეტელები.
მასალის გამოყენების პირობები






