მსოფლიოს ყველაზე მდიდარი ადამიანი, „ამაზონის“ დამფუძნებელი ჯეფ ბეზოსი მეუღლეს, მეკენზი ბეზოსს შორდება, ამის შესახებ წყვილმა ერთობლივი განცხადება „ტვიტერზე“ გაავრცელა.

წყვილი ერთმანეთს დროებით გაშორებული იყო განცხადების გაკეთებამდეც, იმის გასარკვევად, თუ რა ნაბიჯს გადადგამდნენ მომავალში. ბეზოსებმა ქორწინებაში 25 წელი გაატარეს, მათ 4 შვილი ჰყავს, სამი საკუთარი ვაჟი და ერთი ნაშვილები გოგონა ჩინეთიდან.

განცხადებაში ნათქვამია, რომ ისინი მეგობრებად და პარტნიორებად რჩებიან ერთობლივ პროექტებში.

54 წლის ბეზოსი 160 მილიარდი დოლარით ყველაზე მდიდარი ადამიანია მსოფლიოში. მისმა დაფუძნებულმა ამაზონმა ამ კვირაში საბაზრო კაპიტალიზაციით გადაუსწრო Apple-ს და მსოფლიოში ყველაზე ძვირადღირებული კომპანია გახდა.

48 წლის მაკენზი ბეზოსი- მწერალია. მან დაწერა 2 წიგნი. მის ერთ წიგნს ამერიკული ლიტერატურული პრემიაც აქვს მიღებული.

მაკენზი ბეზოსი საშუალო ფენის ოჯახში გაიზარდა, ბევრს კითხულობდა, წერდა პატარა მოთხრობებს და მწერლობაზე ოცნებობდა. პრისტონის უნივერსიტეტში სწავლისას მუშაობდა მიმტანად და თეფშების მრეცხავად.

სწავლის დამთავრების შემდეგ ოცნებაზე უარის თქმა მოუწია, რადგან თავის სარჩენად სამსახური სჭირდებოდა, წიგნის გამოსაცემად კი კაპიტალი. მაკენზიმ ერთ-ერთ საინვესტიციო კომპანიაში დაიწყო მუშაობა, სადაც გაიცნო მომავალი ქმარი, რომელიც ამავე კომპანიის ვიცე-პრეზიდენტი იყო.

გაცნობიდა 6 თვეში მათ იქორწინეს. მალევე გადაწყვიტეს სასახური მიეტოვებინათ და ოჯახური ბიზნესი დაეწყოთ.

მაკენზიმ არა მხოლოდ მორალური მხარდაჭერა გამოუცხადა ქმარს, არამედ ის პირველი თანამშომელი გახდა ახლადდაარსებული კომპანიის, სახელად Amazon-ის, რომელიც რამდენიმე წელში მსოფლიოში ყველაზე პოპულარული ინტერნეტ-კომპანია გახდა. მაკენზი კომპანიის ბუღალტერი იყო.