ახალი ფრთა, რომლითაც Boeing-ის სამგზავრო თვითმფრინავები ბგერითი სიჩქარით იფრენენ

ეს საინტერესოა - 18:57, 09 Jan, 2019

3061

Boeing-ი პირველობისთვის იბრძვის და სურს კონკურენტ ევროპულ Airbus-ს პირველობის გვირგვინი ჩამოართვას. ამისთვის იგი სხვადასხვა ახალი კონსტრუქციის, გაძლიერებული ძრავებისა და სხვა თანამედროვე მეთოდებით აპირებს შექმნას უფრო სწრაფი და შორსმფრენი ავიალაინერები, რომელიც მგზავრებს კომფორტულად და სწრაფად ჩაიყვანს შორ მანძილებზე.

Boeing-ის ბოლო სიახლეა ახალი, საკმაოდ თხელი, დაკეცვადი ფრთები, რომელიც კომპანიის განცხადებით, საშუალებას მისცემს თვითმფრინავებს ბგერით სიჩქარესთან მიახლოებული სიჩქარით მაღალ სიმაღლეებზე იფრინოს, უპრეცედენტო აეროდინამიკური ეფექტურობის გამოყენებით.

ფრთა Transonic Truss-Braced გაშლილ მდგომარეობაში 170 ფუტის სიგრძისაა, იგი ფიუზელაჟთან სპეციალური სამაგრებითაა დამაგრებული. იგი ჯერჯერობით კონცეპტუალურ სტადიაშია, თუმცა, სპეციალისტები ვარაუდობენ, რომ მისი მეშვეობით თვითმფრინავი 0,7-0,8 ბგერითი სიჩქარით იფრენს.

ეს ფრთა Boeing-მა NASA-სთან თანამშრომლობით შექმნა, რისთვისაც თითქმის ათი წელი დასჭირდა. ეს არისპროგრამა Subsonic Ultra Green Aircraft Research-ის ნაწილი, რომელიც ითვალისწინებს ნაკლებად ხმაურიანი, ეფექტური საჰაერო ხომალდების შექმნას, რაც ასევე ექსპლუატაციის მახასიათებლების გაუმჯობესებასაც ითვალისწინებს.

დეკემბერში Boeing-მა ასევე წარმოადგინა ახალი ბიზნესკლასის თვითმფრინავი, რომელიც საშუალებას აძლევს მგზავრს მსოფლიოს ნებისმიერ ორ ქალაქში დაჯდომის გარეშე გადაადგილდეს. ეს არის Boeing BBJ 777X, რომლის დაუჯდომელი ფრენის მანძილი 21 570 კნ.-ა, რის გამოც იგი კომერციული ფრენის სიშორით მსოფლიოში პირველ ადგილზე გადაინაცვლებს და Airbus-ს ჩამოიტოვებს. შთამბეჭდავია ასევე გიგანტური და მძლავრი ძრავები GE Aviation GE9X, რომლითაც არის აღჭურვილი ახალი ბოინგი.