ბრიტანელმა მილიონერმა, კომპანია Money Supermarket-ის თანამფლობელმა რიჩარდ მეისონმა, აღმოაჩინა, რომ 21 წელი სხვის შვილებს ზრდიდა.

როგორც "სანი" წერს, მეისონს, პირველი ცოლისგან ქეით მეისონისგან 3 ვაჟი ჰყავს, მეორე ქორწინებიდან კი შვილი არ ჰყოლია, მაგრამ როგორც გაირკვა, არც პირველი ქორწინების შვილები არიან მისი.

2016 წელს, ჯანმრთელობის მდგომარეობის გამო, ბიზნესმენს სამედიცინო გამოკვლევები დასჭირდა რა დროსაც გაირკვა, რომ ის დაბადებიდან უნაყოფოა.

აღნიშნულის გაგებისთანავე, ბიზნესმენმა ყოფილ ცოლს სასამართლოში უჩივლა და 250 ათასი გირვანქა სტერლინგიც მოუგო.

ქეით მეისონი ბავშვების ბიოლოგიური მამის ვინაობას არ ამხელს. თუმცა, როგორც ირკვევა, ის პირველი ორსულობისას იუდაიზმით დაინტერესდა და სამივე შვილს ებრაული სახელი დაარქვა. ბიზნესმენი ფიქრობს, ეს ფაქტი მას სიმართლის დადგენაში დაეხმარება.

ქეით მეისონი

რიჩარდ მეისონი