კევინ სპეისის სექსუალურ შევიწროებაში ბრალი ოფიციალურად წაუყენეს

ეს საინტერესოა - 12:10, 08 Jan, 2019

1298

ოსკაროსან ამერიკელ კინომსახიობს კევინ სპეისის სექსუალურ შევიწროებაში ბრალი ოფიციალურად წაუყენეს. მასაჩუსეტსის შტატის კუნძულ ნანტაკეტის სასამართლომ გადაწყვეტილება 7 იანვარს მიიღო.

სპეისის ყოფილი ტელეწამყვანი ჰიზერ ანრუ მისი 18 წლის ვაჟის სექსუალურ შევიწროებაში ადანაშაულებს. ანრუს მტკიცებით, შემთხვევა 2016 წელს მოხდა კუნძულ ნანტაკეტის ერთ-ერთ ბარში, თუმცა, მისმა შვილმა ეს მხოლოდ ერთი წლის შემდეგ გაამხილა. კევინ სპეისი ბრალდებას უარყოფს. მისმა ადვოკატმა მოსამართლეს თხოვა საქმეს დაურთოს სპეისის მობილურ ტელეფონში დაცული ინფორმაცია, რომელიც დაცვის მხარის შეფასებით, კინომსახიობს გაამართლებს. კევინ სპეისის სასამართლო პროცესი 4 მარტს გაგრძელდება.

სასამართლოსთან კევინ სპეისის ათეულობით ჟურნალისტი ელოდებოდა თუმცა მას მედიასთან კომენტარი არ გაუკეთებია. სექსუალურ შევიწროებაში ბრალდებულ მსახიობს კომენტარი არც სასამართლოს დარბაზში გაუკეთებია, ის ჩუმად იდგა თავისი ადვოკატის გვერდით და პერიოდულად კამერებისკენ ოდნავ შესამჩნევი ღიმილით იყურებოდა.

მასაჩუსეტსის პროკურატურამ 24 დეკემბერს გაავრცელა შეტყობინება იმის შესახებ, რომ მსახიობ კევინ სპეისის წინააღმდეგ სასამართლო პროცესი დაიწყო.

ბრალდებასთან დაკავშირებით გავრცელებული ინფორმაციის შემდეგ რამდენიმე წუთში კევინ სპეისიმ სოციალურ ქსელშივიდეორგოლი გამოაქვეყნა. 3 წუთიან ვიდეოში, რომლის სათაურიც იყიო "ნება მომეცით ვიყო ფრენკი", მსახიობი „ბანქოს სახლის“ პრეზიდენტის ფრენკ ანდერვუდის იმიჯით გამოჩნდა. ეს იყო მსახიობის პირველი საჯარო გამოსვლა მას შემდეგ რაც 2017 წლის შემოდგომაზე, ერთბაშად რამდენიმე ადამიანმა ის სექსუალურ ძალადობაში დაადანაშაულა.

სკანდალი 2017 წლის შემოდგომაზე დაიწყო, როცა მსახიობმა ენტონი რეპმა განაცხადა, რომ სპეისის მხრიდან მის მიმართ 30 წლის წინ სექსუალურ შევიწროებას ჰქონდა ადგილი, რეპი მაშინ არასრულწლოვანი იყო. ორგზის ოსკაროსანმა მსახიობმა აღნიშნულზე განცხადება გააკეთა, რეპს მოუბოდიშა და მომხდარი „სავარუდოდ მთვრალი კაცის ქცევას“ დააბრალა, ასევე აღიარა, რომ გეია. რამდენიმე დღეში სპეისის წინააღმდეგ კიდევ ათეულობით იმავე შინაარსის ბრალდებამ გაიჟღერა.

სპეისთან ურთიერთობაზე უარი განაცხადა Netflix-მა და მიიღო გადაწყვეტილება, რომ House of Cards-ის მეექვსე სეზონში სპეისის მონაწილეობა აღარ მიეღო. მსახიობს ლექციების კურსი გაუუქმეს და CAA-დან გამოუშვეს.მჯერად, ცნობილი გახდა რომ, რეჟისორ რიდლის სკოტის ახალი ფილმიდან - „მთელი მსოფლიოს ფული“ (All the Money in the World), კევინ სპეისის მიერ შესრულებულ ყველა სცენა ამოჭრეს და ის ვეტერანი ოსკაროსანი მსახიობით, ქრისტოფერ პლამერით ხელახლა გადაიღეს.