მეტროსადგურ "ნაძალადევში“ მატარებელი ხაზიდან მოიხსნა. ინფორმაციას ამის შესახებ ტაბულა ავრცელებს. მეტროპოლიტენის პრესსამსახურის ინ ფორმაციით ტექნიკური ხარვეზის გამო, მემანქანემ საჭიროდ ჩათვალა შემოწმება. მგზავრების სადგურზე ჩასვლის შემდეგ, მატარებელი ხაზიდან მოიხსნა და ხაზზე სათადარიგო მატარებელი გამოვიდა.

"მგზავრებს საფრთხე არ შექმნიათ, მოძრაობა არ შეფერხებულა და მეტროპოლიტენი ჩვეულ რეჟმში მუშაობს“, - აცხადებენ პრესსამსახურში.

ერთ-ერთმა ფეისბუკმომხმარებელმა სოციალურ ქსელში დაწერა, რომ ვაგონში სუნი და კვამლი დადგა:

"ვაგონს, მგონი, ცეცხლი წაეკიდა, კვამლი გამოუშვა და საშინელი სუნი დადგა"

თბილისის სატრანსპორტო კომპანიის განმარტებით სპეციფიკური სუნი დაზიანებული კომპრესორის ბრალია.