ამ დრომდე აქტიური საგამოძიებო მოქმედებები მიდმინარეობს გორში, სტალინის გამზირზე, სადაც დღეს დილით 74 წლის ქალი, საკუთარ სახლში გარდაცვლილი ნახეს. „ნიუპოსტის“ კორესპონდნეტს ცნობით, საგამოძიებო მოქმედებების პროცესში კინოლოგები ჩაერთვნენ, ისინი სპეციალურად დედაქალაქიდან ჩამოვიდნენ. პირველადი ვერიისთ, ქალი მოკლულია, რადგან მას დაზიანებები თავის არეში აღენიშნება.
გარდაცვლილი ლ. დ. ჯუმბერ გოგიაშვილის სახელობის სამშობიარო სახლის თანამშრომელი იყო და გახსნის დღიდან კლინიკის ლაბორატორიაში მუშაობდა.
„სამსახურში რომ არ გამოცხადდა დღეს დილით, დავიწყეთ ტელეფონებზე რეკვა. ვურეკავდით მობილურზე, სახლის ტელეფონზე და არ გვიპასუხა. მერე დავურეკეთ შვილს და ის მივიდა სახლში და დახვდა ეგ მდგომარეობა.“-გვეუბნება ნაილი ფერაძე.

მომხდარ ფაქტზე შინაგან საქმეთა სამინისტრომ გამოძიება განზრახ მკვლელობის მუხლით დაიწყო. ჩვენი ინფორმაციით, სამართალდამცველები შემთხვევის ადგილთან ახლოს მდებარე შენობებზე დამონტაჟებულ სათვალთვალო კამერებიდან ჩანაწერებს იღებენ.