პოლიტიკური შურისძიება თუ კრიმინალური გარჩევა - ყოფილი გამგებლის ავტომობილი დაწვა კამერებმა დააფიქსირეს

სამართალი - 12:24, 28 Dec, 2018

4043

სამგორის ყოფილი გამგებლი მამუკა ჩოქური მისი კუთვნილი ავტომობილის, Toyota Prado-ს დაწვის ფაქტზე პირველ კომენტარს აკეთებს.

ჩოქური აცხადებს, რომ მას მტრები არ ყავს, შესაბამისად მისთვის უცნობია, რა გახდა ავტომობილის დაწვის მიზეზი. ის პოლიტიკურ მოტივს გამორიცხავს.

მამუკა ჩოქური ადასტურებს, რომ ეს მისი ავტომობილის დაწვის მეორე შემთხვევაა. პირველად სამგორის ყოფილ გამგებელს ავტომობილი სამი წლის წინ დაუწვეს.

მისი თქმით, კამერებმა დააფიქსირეს ის ადამიანი, ვინც მის მანქანას ცეცხლი წაუკიდა, თუმცა მისი სახე კამერის ჩანაწერებში არ ჩანს.

კადრებში ჩანს, რომ მამაკაცი ჩადის ერთ-ერთი საცხოვრებელი კორპუსის სადარბაზოდან, ავტომობილს წვავს და ამის შემდეგ იმავე სადარბაზოში შედის. აღნიშნულ პირს კაპიუშონი აქვს წამოფარებული.

„ესეთი ფორმით თუნდაც პოლიტიკურად არ ხდება. აქ უფრო პიროვნულია... კონფლიქტი არ მაქვს არავისთან, არავის ხაზები არ გადამიკვეთია, არვინ არ შემიწუხებია და არავის არ შევუწუხებივარ, “ - ამბობს ჩოქური.

რაც შეეხება სამი წლის წინ მომხდარ შემთხვევას, ავტომობილის დაწვის ფაქტზე სამართალდამცველებს არავინ დაუკავებიათ. დაზარალაბულს განცხადებაც კი არ დაუწერია.

ჩოქური ბიზნეს საქმიანობას ეწევა. ეს უკანასკნელი დავით ნარმანიას მერობის დროს იკავებდა თანამდებობას.

შსს-მ გამოძიება სხვისი ნივთის განზრახ დაზიანების მუხლით დაიწყო. ჩოქური სამართალდამცველებმა უკვე გამოკითხეს, თუმცა არ არის გამორიცხული მისი დაბარება საგამოძიებო უწყებაში კიდევ მოხდეს.