მაილი საირუსმა ლიამ ჰემსვორტთან ქორწინება დაადასტურა და ქორწილის ფოტოები გამოაქვეყნა (ფოტოები)

ეს საინტერესოა - 10:44, 27 Dec, 2018

2954

ამერიკელმა მომღერალმა, 26 წლის მაილი საირუსმა ავსტრალიელ მსახიობ, 28 წლის ლიამ ჰემსვორტთან ქორწინება დაადასტურა.
მომღერალმა ფოტოები სოციალურ ქსელში გამოაქვეყნა წარწერით - "10 წლის შემდეგ."

ვარსკვლავურმა წყვილმა 23 დეკემბერს საიდუმლოდ იქორწინა. ამის შესახებ ინფორმაცია მას შემდეგ გავრცელდა, რაც მათი მეგობრის ინსტაგრამ სთორი აღმოაჩინეს ტაბლოიდებმა, რომელზეც თეთრ კაბაში გამოწყობილი მაილი და სმოკინგში გამოწყობილი ლაიმი არიან ასახულნი, რომლებიც ტორტის დასაჭრელად ემზადებიან. იქვე ჩანს "Mr. and Mrs" ბუშტებიც.

ჭორები იმის შესახებ, რომ მაილი საირუსი და ლიამ ჰემსვორტი დანიშნულები არიან, უკვე დიდი ხანია დადის. თუმცა, ამ ყველაფრის ფოტოდადასტურება 2016 წელს გამოქვეყნდა, როდესაც პაპარაცებმა მაილი ნიუ-იორკის აეროპორტში ნიშნობის ბეჭედით შენიშნეს, რომელიც ლიამმა ჯერ კიდევ წინა რომანის დროს აჩუქა.

შეგახსენებთ, მაილი საირუსისა და ლიამ ჰემსვორტის ურთიერთობა 10 წლის წინ დაიწყო. წყვილმა ერთმანეთი ფილმ The last Song-ის გადაღებებზე გაიცნეს. 2012 წელს ნიშნობის შესახებ განაცხადეს, მაგრამ ნიშნობა არ შემდგარა. ერთი წლის შემდეგ შეყვარებულები დაშორდნენ.

2015 წლის ბოლოს კი ურთიერთობა აღადგინეს. წყვილმა საშობაო არდადეგები ლიამის ოჯახთან ერთად ავსტრალიაში გაატარა. მაილის იმდენად მოეწონა დასვენება საყვარელ მამაკაცთან ერთად, რომ რამდენიმე კონცერტი გადადო კიდეც.

მაილი და ლიამი 10 წლის წინ: