რამდენიმე სუპერ რჩევა, რომლებიც 2019 წლის დადგომამდე უნდა გაითვალისწინოთ

ეს საინტერესოა - 19:01, 24 Dec, 2018

2207

ახალი წლის დღესასწაულები ახლოვდება და იმისათვი, რომ გავუფრთხილდეთ ჩვენს ჯანმრთელობას შეეცადეთ, 31 დეკემბერს, დილით და შუადღისას, კუჭი მძიმე საჭმლით არ დატვირთოთ. ჭამეთ მხოლოდ ხილი და ახალი ბოსტნეულის სალათები. უკიდურეს შემთხვევაში მიირთვით წყალზე მომზადებული ფაფები ან ცოტა მზესუმზირა ან თხილეული.

საქართველოში საახალწლო სუფრაზე მიღებულია მძიმე საკვები. არადა, სწორედ მათი მიღება უნდა შეზღუდოთ. მაიონეზიანი სალათები, საცივი, შემწვარი გოჭის ხორცი უმჯობესია ჩაანაცვლოთ ზეითუნის ზეთზე დამზადებული სალათებით.

თუ ''ოლივიეს'' მიეძალეთ, ჭამეთ დიდი რაოდენობით შებოლილი ხორცეული, დამარილებული თევზი, მოერიდეთ მათი მიღებიდან მოკლე დროში ცეკვას და მკვეთრ მოძრაობებს. უმჯობესია საათი, საათ-ნახევარი შეისვენოთ.

ახალი ხილისა და ბოსტნეულის მირთმევა საახალწლო სუფრაზე წესად უნდა შემოიღოთ. ამ შემთხვევაში კუჭი ძირითადი საკვების მონელებას უკეთ გაუმკლავდება.

თუ არაყი გიყვართ, ეცადეთ მისი ძირითადი დოზა ცხელი საკვების ჭამის პერიოდში მიიღოთ. ჯერ ერთი, სწრაფად არ დათვრებით და მეორეც, არაყი ცხიმიანი საკვების კარგი აბსორბენტია.

ტკბილეულიდან უპირატესობა პუდინგებს, მუსებს და ნაყინს მიანიჭეთ. სულმა წაგძლიათ და ტორტი ან კრემიანი ნამცხვრები უხვად მიირთვით? აუცილებლად დააყოლეთ პიტნის ჩაი. ეს მათ უკეთ მონელებაში დაგეხმარებათ.

დაბოლოს, თუ აღნიშნულ რჩევებს გაითვალისწინებთ, რაც, ქართული ტრადიციებიდან გამომდინარე, ცოტა ძნელია, დარწმუნებული ბრძანდებოდეთ, ახალ წელს ჯანმრთელობის მხრივ პრობლემები ნამდვილად არ შეგექმნებათ.