"ყინულის მოედანი" და "მარსისძვრების" შემსწავლელი აპარატი წითელ პლანეტაზე

ეს საინტერესოა - 16:44, 22 Dec, 2018

1925

ბევრს მოეჩვენება, რომ ამ სურათზე თოვლიანი მდელოა გამოსახული, თუმცა, მარსზე მდებარე "კოროლიოვის კრატერი" ციგურებით სრიალისთვის უფრო გამოსადეგია, ვიდრე თოვლის კაცის გასაკეთებლად.

მისია Mars Express-ის მიერ გადაღებული ეს ფოტო ევროპულმა კოსმოსურმა სააგენტომ 20 დეკემბერს გამოაქვეყნა და აღნიშნა, კრატერი ყინულით არის სავსე. ყინულის სისქე 5,905 ფუტია და ის მთელი წლის განმავლობაში არ დნება.

კრატერი, რომლის დიამეტრიც 50,1 მილია მარსის ჩრდილოეთ პოლუსის სამხრეთით მდებარეობს. ყველაზე ღრმა ადგილას კრატერის სიღრმე 1,2 მილია. ყინულის ზედაპირზე მოძრავი ჰაერი კრატერის ზედაპირზე მუდივ სიცივეს ინარჩუნებს და ისიც არასდროს დნება.

წითელ პლანეტაზე აგრძელებს მუშაობას NASA-ს მისია InSight-იც. 26 ნოემბერს პლანეტაზე დაჯდომის შემდეგ მან გარემოს ფოტოები გადაუღო, ხოლო 19 დეკემბერს მარსის ზედაპირიდან 5,3 ფუტის სიღრმეში სეისმური აპარატი დაამონტაჟა, რომელმაც მარსის მიწისძვრები (ე.წ. "marsquake") უნდა დააფიქსიროს. ეს პირველი სეისმომეტრია, რომელიც დედამიწის გარეთ იქნა დამონტაჟებული.

"ეს იგივეა, რომ ტელეფონი ყურთან მიიტანო. ახლა ჩვენ შეგვიძილია მოვისმინოთ ყველაფერი, რაც მარსის ზედაპირის ქვეშ ხდება," - აცახდებენ NASA-ში. მეცნიერების თქმით, ეს საშუალებას მისცემთ უკეთ შეისწავლონ წითელი პლანეტის ბირთვი.

სავარაუდოდ აპარატი მონაცემებს დედამიწაზე იანვრის ბოლოსთვის გამოაგზავნის.

"ველოდებით, როდის გავხსნით ამის აღსანიშნავად შამპანურს. ბოთლი უკვე მზად გვაქვს," - აცხადებენ მეცნიერები.