54 წლის მონიკა ბელუჩი შეყვარებულთან კოცნისას დააფიქსირეს - ვინ არის იტალიელი ვარსკვლავის 36 წლის რჩეული (ფოტოები)

ეს საინტერესოა - 18:34, 20 Dec, 2018

14930

ფრანგულმა მედიამ იტალიელი სუპერვარსკვლავის მონიკა ბელუჩის ახალი შეყვარებულის ვინაობა გაარკვია. 54 წლის მსახიობის შეყვარებული 36 წლის ფრანგი მხატვარი ნიკოლა ლეფევრია. ის სამხატვრო სახელოსნოს მფლობელია და წინა ქორწინებიდან 6 წლის შვილს ზრდის.

ცოტა ხნის წინ Paris Match -ის ჟურნალისტთან საუბრისას მონიკა ბელუჩიმ აღიარა, რომ მის ცხოვრებაში ახალი მამაკაცი გამოჩნდა.

„მე უკვე დიდი ხანია ვხვდები ერთ მამაკაცს. არ ვიცი ნორმალურია ის თუ არა, მე ამის თქმა საკუთარ თავზეც არ შემიძლია. ის ჩემი სამყაროდან არაა, მას სხვა სამუშაო აქვს, მაგრამ ჩემსავით ბევრი მოგზაურობა უწევს. ცხოვრების ასეთი რიტმი საშუალებას აძლევს, რომ მე გამიგოს. მე არ მინდა მისი სახელის თქმა, მაგრამ შემიძლია ვთქვა, რომ ძალიან ბედნიერი და კმაყოფილი ვარ ჩემი არჩევანით.“- განაცხადა მონიკა ბელუჩიმ.

ბელუჩის ამ განცხადებამ მისი თაყვანისმცემლები დააინტრიგა, ვინ იყო მსოფლიოს ერთ-ერთი ყველაზე ლამაზი ქალის რჩეული. ამაზე პასუხი კი ფრანგულმა გამოცემამ Voici-მ იპოვა და პაპარაცული კადრები გამოაქვეყნა, თუ როგორ სეირნობს მონიკა ბელუჩი პარიზში თავის შეყვარებულთან ერთად. ერთ-ერთ კადრში წყვილი ერთმანეთს კოცნის.

შეგახსენებთ 2013 წელს 14 წლიანი ქორწინების შემდეგ მონიკა ბელუჩი თავის ქმარს, ფრანგ ვარსკვლავს, ვენსან კასელს დაშორდა. ვენსან კასელი ამჟამად 21 წლის ფრანგ მოდელზე - ტინა კუნაკიზეა დაქორწინებული