გაერთიანებული ოპოზიციის „ძალა ერთობაშიას“ ერთ-ერთ ლიდერს, დავით კირკიტაძეს დღეს აღკვეთის ღონისძებას შეუფარდებენ. ჯერჯერობით უცნობია მოითხოვს თუ არა ბრალდება აღკვეთის ღონისძიებად პატიმრობას. დავით კირკიტაძე ბრალს არ აღიარებს და პროტესტის ნიშნად შიმშილობს. დაკავებულის ადვოკატის განცხადებით, არსებობს კითხვის ნიშნები:

„დიდი კითხვის ნიშნები გვაქვს კვალიფიკაციის სისწორესთან დაკავშირებით, გავეცნობით ბრალდების შინაარსს. რაც შეეხება აღკვეთის ღონისძიების საკითხს, ეს გადაწყდება მას შემდეგ, რაც პროკურატურა შუამდგომლობით მიმართავს გურჯაანის სასამართლოს და გვაქვს მოლოდინი იმისა, რომ არ იქნება გამოყენებული ყველაზე მძიმე ფორმა - პატიმრობა,“-ამბობს კირკიტაძის ადვოკატი გიორგი კონდახიშვილი.

კონდახაშვილის თქმით, გავრცელებული კადრებიდან რაც ჩანს, კირკიტაძე ცდილობს შეაღწიოს ავტობუსში, რომელიც უკანონოდ ხერგავდა გზას:

„სამართალდამცველებისთვის თავდასხმის ან მათთვის ფიზიკური შეურაცხყოფის მიყენების მიზანი არ ჰქონდა,“- ამბობს ადვოკატი. მისივე თქმით, აღნიშნულ ავტობუსს არ ჰქონია ნიშანი, რომ ის პოლიციის ავტობუსი იყო.