მხარეები სხდომაზე მტკიცებულებებს წარადგენენ. ადვოკატის განმარტებით, სარალიძეს სამართალდამცველისთვის ბლაგვი საგნით დაზიანება არ მიუყენებია და ამას კადრებიც ადასტურებს.

„ვვარაუდობთ, დავაყენოთ შუამდგომლობები მტკიცებულებათა დაუშვებლობის საკითხთან დაკავშირებით. ძირითადად ეს ეხება, რა თქმა უნდა, ბრალდების მხარის მტკიცებულებებს. შემიძლია ერთ-ორ მტკიცებულებაზე ვთქვა, ეს არის ამოღებული მტკიცებულება - ჯოხი, რომელიც, სავარაუდოდ, რასაც ედავებიან, რომ ზაზა სარალიძემ მოუქნია სამართალდამცველს, ამოღებული ნივთმტკიცება არის ავტომობილიდან. აღნიშნული მტკიცებულების დაუშვებლობაზე მინდა, იმსჯელოს სასამართლომ. რაც მე გადმომეცა საქმის მასალებიდან არ არის ის დანაშაულის ნიშნები, რასაც ედავებიან ზაზა სარალიძეს,“- გნაცხადა ადვოკატმა, დიმიტრი ნოზაძემ.