პოლიციელების დაჭრის ფაქტი აბაშაში - ძებნილის დედა მომხდარში თავად პოლიციელებს ადანაშაულებს და სკანდალურ ინფორმაციას ასაჯაროვებს

სამართალი - 11:41, 11 Dec, 2018

3567

პოლიციელების დაჭრის ფაქტზე ძებნილის გოჩა ცხვედიანის დედა, ინეზა გოგავა პირველ კომენტარს აკეთებს და მომხდარში თავად პოლიციელებს ადანაშაულებს.დანაშაულის პროვოცირება სწორედ პოლიციელებმა მოახდინეს.

გოგავას თქმით, სამართალდამცვაბი მის შვილზე სისტემატიურად ახდენდნენ ზეწოლას, ადგილი ჰქონდა ფიზიკურ ანგარიშსწორებასაც.

დედის მტკიცებით, პოლიცია გოჩა ცხვედიანს თანამშრომლობას აიძულებდა, რაზეც ახალგაზრდა არ თანხმდებოდა.

ინეზა გოგავა ჰყვება, რომ მის შვილს უთვალთვალებდნენ.

ძებნილის მშობელი დარწმუნებულია. ინეზა გოგავასთვის უცნობია მისი შვილის, როგორც ადგილსამყოფელი, ისე მისი ჯანმრთელობის მდგომარეობა. ის ეჭვობს, რომ ცხვედიანი დაჭრილია.

“მე იმას არ ვიტყვი, რომ ჩემს შვილს დანაშაული არ ჩაუდენია, იმათმა ჩაადენინეს. რაც 18 წელი დაამთავრა ჩემმა ბიჭმა, იმის შემდეგ წნეხის ქვეშ ჰყავს მილიციას. ხან ამბობენ იარაღი აქვსო, ხან ამბობენ წამალს ყიდისო, ხან ამბობენ პლანს ეწევაო და ფაქტზე ვერ დაიჭირეს. კობა ხარებავამ გამცეს კითხვაზე პასუხი - ჩემი შვილი ცოცხალია თუ არა/ რატომ არ გამოიძახეს სასწრაფო“-ამბობს გოჩა ცხვედიანის დედა ინეზა გოგავა.

ძებნილი ცხვეტიიანის დედის სკანდალურ განცხადებას სახალხო დამცველიც გამოეხმაურა.

ნინო ლომჯარია მზად არის, ოჯახის დაინტერესების შემთხვევაში საკითხი ომბუდსმენის აპარატმა შეისწავლოს.

სახალხო დამცვალმა ბრალდებულის დედას მოუწოდებს ითანამშრომლოს ომბუდსმენის ოჯახთან და თუ ოჯახს რაიმე მტკიცებულება გააჩნია პოლიციელების სავარაუდო დანაშაულის შესახებ, ის სახალხო დამცველის ოფისს გადაეცეს.

„ძალიან საყურადღებო განცხადებაა. მე სამწუხაროდ არ ვფლობ ინფორმაციას. მივმართავ ოჯახის წევრებს რომ მოგვაწოდონ ინფორმაცია, რა თქმა უნდა, დავინტერესდები და შევისწავლი თუ არსებობს რაიმე გარემოებები, რისი გადამოწმებაც არის შესაძლებელი“- განაცხადა ნინო ლომჯარიამ.

აბაშაში პოლიციელი 2 დღის დაჭრეს. შინაგან საქმეთა სამინისტროში აცხადებენ, რომ მათი თანამშრომელი სამსახურებრივი მოვალეობის შესრულების დროს დაიჭრა. უწყების პრესსამსახურში განმარტეს, რომ ბრალდებულის ვინაობა დადგენილია და მის დასაკავებლად მიმდინარეობს ოპერატიულ-სამძებრო ღონისძიებები.

გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.