საბჭოთა კინოს ვარსკვლავი რეჟისორ ლეონიდ გაიდაის სექსუალურ შევიწროებაში ადანაშაულებს - რა ხდებოდა "კავკასიელ ტყვე ქალის“ გადაღებაზე

ეს საინტერესოა - 18:45, 07 Dec, 2018

7205

მსახიობი ნატალია ვარლეი, რომელიც ფილმ „კავკასიელ ტყვე ქალში“ სტუდენტი ნინას როლს ასრულებს, რეჟისორ ლეონიდ გაიდაის მხრიდან სექსუალურ შევიწროებაზე ალაპარაკდა.

თავის ავტობიოგრაფიულ წიგნში „ბაგირზე მოსიარულე“ მსახიობმა დაწერა იმ უსიამოვნო შემთხვევაზე, რომელიც ფილმის გადაღების დროს მოხდა. ალექსანდრე დემიანენკოს („შურიკა“) დაბადების დღის შემდეგ გაიდაიმ ვარლეის სასტუმრომდე მიცილება შესთავაზა, როდესაც ისინი სასტუმროს ნომერთან მივიდნენ, რეჟისორი მის ოთახში შევიდა.

„და ჩვენ დავჯექით - მე სკამის კიდეზე, ლეონიდ იოვის ძე კი მოპირდაპირედ, ფანჯარასთან სავარძელში. სიტუაცია უკიდურესად უხერხული იყო... მე პაუზის შევსება გადავწყვიტე, ვბლუყუნებდი საშას დაბადების დღეზე, ხვალინდელ გადაღებაზე“- წერს ვარლეი წიგნში.

როგორც ვარლეი წერს ოთახში რამდენიმე წუთით გაიდაის მეუღლე ნინა გრებეშკოვაც შევიდამ თუმცა მალევე დაბრუნდა საკუთარ ნომერში. ვარლეის თქმით ამის შემდეგ რეჟისორმა მოულოდნელად დახურა და შეეცადა მისთვის ეკოცნა.

„მე ცირკის გოგო ვიყავი, ძლიერი, მყისიერი რეაქციითმ ამიტომ ერთ წამში მოვახერხე არა მარტო გაიდაის მოშორება, არამედ ნომრიდან გაგდება, კარის დახურვა და ჩაკეტვა.“- წერს მსახიობი თავის ავტობიოგრაფიაში.

ამის შემდეგ რეჟისორმა ვარლეის განუცხადა, რომ მის როლს ფილმში სხვა მსახიობი გაახმოვანებდა.

ფილმი "კავკასიელი ტყვე ქალი" 1967 წელს გადაიღეს. ნატალია ვარლეი ამჟამად 71 წლისაა.