Pantone-ის ფერების ინსტიტუტმა 2019 წლის ფერი დაასახელა. ეს "ცოცხალი მარჯნისფერია".

აღნიშნული ფერი ცნობილი დიზაინერების ბოლო კოლექციებშიც დომინირებს, განსაკუთრებით მარკ ჯეიკობსის კოლექციაში.

The Associated Press-ის ცნობით, ინსტიტუტის ვიცე-პრეზიდენტი ლაური პრესმანი ამბობს, რომ ეს წყალქვეშა რიფების ფერია. მისი თქმით, ეს ფერი, არა მხოლოდ თბილი , არამედ მრავალფეროვნების, შინაგანი ოპტიმიზმის, სიცოცხლის სიმბოლოა, ემოციების აღმძვრელი ფერია.

„ყველაფერში, რაც ჩვენ ირგვლივ ხდება, იმ ადამიანურ თვისებებს ვეძებთ, რის ნაკლებობასაც ონლაინ სივრცეშ ვხედავთ. ვეძებთ ფერს, რომელსაც მოაქვს კომფორტი, კეთილგანწყობა, რაც თავს კარგად გვაგრძნობინებს“ - განაცხადა პრესმანმა.

2018 წლის ფერი Pantone-ის მიხედვით, ულტრაიისფერი იყო