დიდი ვარსკვლავთცვენა სტამბოლში - 2 პრემიერა, რომელმაც ყველასთვის ნაცნობი თურქი მსახიობები ერთად შეკრიბა (ფოტო, ვიდეო)

ეს საინტერესოა - 17:25, 06 Dec, 2018

8266

5 დეკემბერს თურქეთში ორი დიდი პრემიერა შედგა. ფილმების ჩვენების გარდა სანახაობად იქცა, პრემიერაზე დასასწრებად მისული საზოგადოებაც. ზოგიერთმა ვარსკვლავმა ორივე პრემიერაზე მისვლაც კი მოახერხა.

ფილმის „ჩემპიონი“ (Şampiyon -Bold Pilot) ჩვენებას, თურქული შოუბიზნესის ვარსკვლავები დაესწრნენ. განსაკუთრებით მრავალრიცხოვანი კი სერიალ Çukur-ის გუნდი იყო, სწორედ ამ სერიალის მეორე სეზონში აქტიურად მიმდინარეობდა ამ ფილმის რეკლამირება, სერიალის გმირი ჯუმალი Bold Pilot-ის ფანია.

ფილმ „ჩემპიონის“ (Şampiyon -Bold Pilot) მთავარი გმირები ცხენი Bold Pilot და მისი მხედარი ჰალის კარატაშია. მოვლენები 90-იან წლებში ვითარდება, როდესაც თურქეთში არასტაბილური პოლიტიკური მდგომარეობის და ინფლაციის წლებში, ადამიანებს ნათელ წერტილად სწორედ Bold Pilot-ის და მისი მხედრის გამარჯვებები ექცათ. საპროდიუსერო კომპანია Ay Yapım-ის მიერ გადაღებული ფილმის რეჟისორი აჰმეთ კატიკსიზია, მთავარ როლებში კი ეკინ კოჩი, ფარაჰ ზეინეპ აბდულაჰი და ფიქრეტ კუშკანი.

ცნობილი სახეების ნაკლებობას არ განიციდია არც ინტერნეტ ტელევიზიის ქსელის netflix-ის მიერ გადაღებული თურქული ფანტასტიკური სერიალის The Protector (Hakan: Muhafız)-ის პრემიერაც. სერიალი, რომელშიც მთავარ როლს თურქი ვარსკვლავი ჩაღათაი ულუსოი ასრულებს, მოგვითხრობს ჩვეულებრივ ადამიანზე, რომელსაც ბედისწერა გმირად აქცევს. დაწვრილებით სერიალის შესახებ შეგიძლიათ წაიკითხოთ ბმულზე - ფანტასტიკური ჟანრის თურქული სერიალი netflix-ზე და სტამბოლის მცველად გადაქცეული ჩაღათაი ულუსოი