უკრაინის 6 და საქართველოს ერთ მოქალაქეს სასამართლომ აღკვეთის ღონისძიების სახით პატიმრობა შეუფარდა - საქართველოში ჩატარებული სპეცოპერაციისას დაკავებულების სასამართლო პროცესი თბილისის საქალაქო სასამართლოში დღეს გაიმართა.

გადაწყვეტილება მოსამართლე გიორგი კერატიშვილმა რამდენიმე წუთის წინ გამოაცხადა. მოსამართლემ ბრალდების შუამდგომლობა შვიდივე პირის მიმართ დააკმაყოფილა და შესაბამისად, მათ წინასწარი პატიმრობა შეეფარდათ.

ბრალდების მხარის განცხადებით, ბრალდებულების მხრიდან არსებობდა მიმალვის, ახალი დანაშაულის ჩადენის და მტკიცებულებათა მოპოვების ხელის შეშლის საფრთხე.