სპეცოპერაცია ლიხაურის ქუჩაზე - დაკავებულები ბრალს არ აღიარებენ, მათ პროტესტის ნიშნად, დოკუმენტზე "სლავა უკრაინა" დააწერეს.

სამართალი - 10:00, 04 Dec, 2018

1137

თბილისში, ლიხაურის ქუჩაზე რამდენიმე დღის წინ ჩატარებული სპეცოპერაციის შედეგად დაკავებულ საქართველოს ერთ და უკრაინის 7 მოქალაქეს ბრალი ოფიციალურად წარედგინათ.

დაკავებულები ბრალს არ აღიარებენ. მათ პროტესტის ნიშნად, ბრალის წარდგენის დოკუმენტზე სლავა უკრაინა დააწერეს.

ადვოკატების ინფორმაციით, ბრალდებულები საქართველოში ტურისტული მიზნით იმყოფებოდნენ და დანაშაულთან არანაირი კავშირი არ აქვთ.

ადვოკატები დაკავებულების გირაოს სანაცვლოდ გათავისუფლებას ითხოვენ.

პოლიციის სამმართველოსთან, სადაც ბრალდებულებს კითხავდნენ, უკრაინის რადას დეპუტატი სიმიონ სემეჩენკოც იმყოფებოდა. მან ფაქტი პროვოკაციად შეაფასა.

“მე საქართველოში ოფიციალურად, არჩევნებზე დამკვირვებლის სტატუსით ჩამოვედი. ბიჭები აქ ჩამოვიდნენ დასასვენებლად და მეგობრებთან შესახვედრად. არც ერთ მათგანს არ ჩაუდენია დანაშაული. მათ ყოველდღე ვხვდებოდი და შემიძლია შინაგან საქმეთა სამინისტროს ვაცნობო თუ სად და ვის ხვდებოდნენ ისინი, რომელი მეგობრების ოჯახები მოინახულეს. მაგრამ რატომღაც გამოძიებას ეს არ აინტერესებს,”-განაცხადა უკრაინის რადას დეპუტატმა სიმიონ სემერჩენკომ.