გორში 14 წლის წინ გაუჩინარებული 12 წლის მოზარდის ცხედარი იპოვეს? - კულტურისა და დასვენების პარკში გათხრის სამუშაოები მიმდინარეობს

სამართალი - 13:36, 03 Dec, 2018

4026

რამდენიმე წუთის წინ, გორში, შინაგან საქმეთა სამინისტრომ 14 წლის წინ გაუჩინარებული, 12 წლის ზაქრო ბერძნიშვილის სამძებრო სამუშაოები განაახლა.

„ნიუპოსტის“ კორესპონდნეტის ცნობით, აღნიშნული სამუშაოების ჩატარება ბრალდებულ იაგო ნებიერიძის მიერ სამართალდამცველებისთვის მიცემული დამატებითი ჩვენების საფუძველზე დაიწყო.

როგორც შსს-ში აცხადებენ, უკვე ჩატარებულია საგამოძიებო ექსპერიმენტი, რა დროსაც ნებიერიძემ მოზარდის სხეულის სავარაუდო ადგილსამყოფელი მიუთითა. პოლიციამ დაუყოვნებლივ დაიწყო მითითებული ტერიტორიის შემოწმება. ლევან სამხარაულის სახელობის სასამართლო ექსპერტიზის ბიუროს ტექნიკისა და ექსპერტების დახმარებით, ადგილზე უკვე ჩატარდა გეოსკანირება, რომელმაც პოლიციას დამატებითი ინფორმაცია მისცა ნიადაგზე სხვადასხვა დროს განხორციელებული ზემოქმედების შესახებ.

დადგენილია რამდენიმე სავარაუდო ლოკაცია, სადაც ამჟამად მიწის გათხრის სამუშაოები მიმდინარეობს.
ადგილზე ნიჩბები მიიტანეს და გათხრის სამუშაოებს აწარმებენ.

შგეხასნებთ, სამართადამცველებმა გორის კულტურისა და დასვენების პარკში მასშტაბური ოპოერაცია 16 ნოემბერს დაიწყეს.