თბილისის საქალაქო სასამართლომ შვილმოკლული მამების ზაზა სარალიძისა და მალხაზ მაჩალიკაშვილის სარჩელის განხილვა დაიწყო. შვილმოკლული მამების სარჩელი საპატრულო პოლიციის წინააღმდეგ არის მომზადებული. მოსარჩელეები იმ გადაწყვეტილების ბათილად ცნობას ითხოვენ, რომლითაც მათი თქმით, შეეზღუდათ მშვიდობიანი შეკრების უფლება და არ მიეცათ კარვის განთავსების შესაძლებლობა:

„უნდა წარმოედგინათ მტკიცებულება, რითიც გვიკრძალავდნენ კარვების დადგმას. თუმცა კარვები უკვე გაშლილია და რაღა აზრი აქვს სხდომას. ძალოვანი უწყება განმარტავდა, რომ საშიშროებას ჰქონდა საფრთხე. რა საშიშროებაზეა საუბარი?“,- განაცხადა სარალიძემ.