სად არის "კაცობრიობის აკვანი" - არქეოლოგიური აღმოჩენები, რომლებმაც შესაძლოა მეცნიერები ერთიან დასკვნამდე მიიყვანოს

ეს საინტერესოა - 18:04, 30 Nov, 2018

3302

დღემდე მეცნიერები თანამედროვე ადამიანის წინაისტორიული წინაპრის, "ჰომო საპიენსის" წარმოშობის ადგილად აფრიკის კონტინენტის ორ რეგიონს მიიჩნევდნენ - ეთიოპიის ეროვნულ პარკ "ავაშს" და სამხრეთ აფრიკაში მდებარე ოლდუვაის ხეობას. მათ შორის ამ საკითხზე დიდი კამათი მიმდინარეობს. პალეონტოლოგიური აღმოჩენებით დასტურდება, რომ ჩვენი წინაპრები ორივე ადგილას 2,6-2,4 მილიონი წლის წინ სახლობდნენ. თუმცა, ალჟირში გაკეთებულმა აღმოჩენამ შეიძლება საბოლოოდ დაასრულოს კამათი, თუ სად არის "კაცობრიობის აკვანი. ნათქვამია ჟურნალ Science-ში გამოქვეყნებულ სტატიაში.

"როგორც ჩანს, "ჰომო საპიენსი" სახლობდა არა აფრიკის რომელიმე კონკრეტულ ადგილას, არამედ მთელს კონტინენტზე," - ნათქვამია სტატიაში.

ათი წლის წინ, ესპანელმა მეცნიერებმა ალჟირის ჩრდილო-აღმოსავლლეთ ნაწილში 2,4 მილიონი წლის წინანდელ ქანებში აღმოაჩინეს უძველესი ცხოველების ძვლები. მათი ლაბორატორიული დათვალიერებისას, ერთ ნაწილზე აღმოჩნდა უცნაური ნაკაწრები, რომლებმაც მეცნიერები მიიყვანა დასკვნამდე, რომ ეს ნანადირევის მჭრელი იარაღით დამუშავების კვალია.

ამ აღმოჩენამ მათ კვლავ გათხრების წარმოებისკენ უბიძგა. ისინი ვარაუდობდნენ, რომ ამ იარაღის პატრონებს იპოვნიდნენ, რაც ვერ შეძლეს, თუმცა, აღმოაჩინეს სანადირო თუ სამუშაო იარაღის ორი "კომპლექტი". ამასთან, ეს იარაღები ანალოგიურია ზემოთხსენებულ რეგიონებში აღმოჩენილ იარაღებისა, რომელთა ასაკიც 2,4 - 1,9 მილიონი წელია. ეს ფაქტი იმაზე მეტყველებს, რომ ამ პერიოდში არსებული ჰომო საპიენსი ერთიდაიგივე განვითარების დონეზე იყო, აფრიკის ყველა რეგიონში, მიუხედავად მათ შორის არსებული ათასობით კილომეტრი მანძილისა.

ეს კიდევ იმ ვერსიას ამყარებს, რომ Homo sapiens-ი ერთდროულად "გამოჩნდა აფრიკის მთელს ტერიტორიაზე, რაც შეიძლება პალეონტოლოგების ყველა ჯგუფმა გაიზიაროს.