International Emmy Awards 2018-ის გამარჯვებულები ცნობილია

ეს საინტერესოა - 12:29, 20 Nov, 2018

1712

19 ნოემბერს ემის საერთაშორისო დაჯილდოვების (International Emmy Awards) რიგით 46-ე ცერემონია ნიუ-იორკში გაიმართა. გლობალური მაუწყებლობის ყველაზე დიდი ორგანიზაცია 1969 წელს დაფუძნდა, მისი მიზანი აშშ-ს საზღვრებს გარეთ ტელემაუწყებლობის განვითარების ხელშეწყობაა. მის შემადგენლობაში 70 ქვეყანა და 400 სატელევიზიო კომპანია შედის.

დაჯილდოებაზე წარდგენილი იყო, 44 ნომინანტი 11 კატეგორიაში 20 ქვეყნიდან (ავსტრალია, ბელგია, ბრაზილია, კანადა, ჩილე, დანია, გერმანია, ინდოეთი, ისრაელი, იაპონია, მექსიკა, ნიდერლანდები, პორტუგალია, ესპანეთი, სამხრეთ აფრიკა, სამხრეთ კორეა, ტაილანდი, თურქეთი, გაერთიანებული სამეფო და აშშ).

საუკეთესო საერთაშორისო სერიალების ნომინაციაში ქართველი მაყურებლისთვის ცნობილი თურქული სერიალი Ay Yapim -ის პროდუქცია „მამაცი და ლამაზი“ - Cesur ve Guzel მონაწილეობდა, რომელიც ქართულ ტელესივრცეში „ფავორიტის“ სახელით გადიოდა. ასევე O3 Medya / Global Agency-ის პროდუქცია „სტამბოლელი რძალი“ - Istanbullu Gelin, რომელიც ქართულ ტელესივრცეში „დედამთილის“ სახელით გადის. საუკეთესო მსახიობი მამაკაცის ნომინაციაში წარდგენილი იყო თოლგა სარითაში, სერიალიდან „პირობა“- Soz, სარითაშს ქართველი მაყურებელი ასევე იცნობს სერიალ „დიდებული საუკუნიდან“, სადაც მან უფლისწულ ჯიჰანგირის როლი შეასრულა.