„გარკვეულ საქმეებზე გამოძიება არ იწყება ან ჭიანურდება“ - არასამთავრობოები სამართალწარმოების პროცესში ჩადენილი დანაშაულის გამოძიების დეპარტამენტის მუშაობას აკრიტიკებენ

სამართალი - 13:23, 16 Nov, 2018

2280

„ადამიანის უფლებათა ცენტრი“ მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის მუშაობის მონიტორინგის შედეგებს ასაჯაროვებს. დოკუმენტში საუბარია პრობლემურ საქმეებზე, რომელზეც გამოძიება შეჩერდა, ან საერთოდ არ დაიწყო.

„პრობლემა ეს არის, თუ რა სახით არჩევს მთავარი პროკურატურის ეს კონკრეტული დეპარტამენტი საქმეებს, რა კრიტერიუმებით ხდება ამ საქმეების გამოყოფა და მათზე გამოძიების დაწყება. ეს საკმაოდ პრობლემატურია, ვინაიდან ჩვენ ვნახეთ გარკვეული საქმეები, რომელზეც გამოძიება ან არ დაიწყო, ან გაჭიანურება ხდება ამ საქმეების გამოძიების, მაშინ როდესაც სხვა საქმეების განხილვა სწრაფად მოხდა“ - ამბობს „ადამიანის უფლებათა ცენტრის“ აღმასრულებელი დირექტორი ალეკო ცქიტიშვილი

მთავარი პროკურატურის სამართალწარმოებისას ჩადენილი დანაშაულის გამოძიების დეპარტამენტის უფროსის მოადგილე კოკა კაციტაძე აღნიშნულთან დაკავშირებით ყველა დაინტერესებულ მხარესთან თანამშრომლობისთვის მზად ყოფნას გამოთქვამს.

„პროკურატურა გამოხატავს სრულ მზადყოფნას, რომ ითანამშრომლოს ყველა დაინტერესბულ მხარესთან ისეთ მნიშვნელოვან საკითხებზე, როგორიც არის სამართლიანობის აღდგენის პროცესის დაჩქარება, დაზარალებულთა დარღვეული უფლებების აღდგენა და პროკურატურა არის გამჭვირვალე და ღია ამ პროცესში“- აცხადებს კაციტაძე.