იტალიაში შესაძლოა სუპრვულკანმა ამოხეთქოს და კატასტროფული შედეგები გამოიწვიოს

იტალიაში შესაძლოა სუპრვულკანმა ამოხეთქოს და კატასტროფული შედეგები გამოიწვიოს - ვულკანოლოგები

ეს საინტერესოა - 18:07, 15 Nov, 2018

13010

ჟურნალ Science Advances-ში გამოქვეყნდა ვულკანოლოგთა საერთაშორისო ჯგუფის მიერ ჩატარებული კვლევის შედეგები, სადაც ნათქვამია, რომ იტალიაში ე.წ. ფლეგრეის ველების ქვეშ დაგროვებულია ძალიან დიდი რაოდენობის ვულკანური მაგმა მაგმა, რამაც შესაძლოა კატასტროფული ამოფრქვევა გამოიწვიოს.

ფლეგრეის (φλέγω - ბერძ. დუღილი) ველები არის დიდი ფართობის ვულკანური რაიონი, რომელიც ნეაპოლის ჩრდილო-აღმოსავლეთითა, პიცუოლის სანაპიროსთანაა განლაგებული. ვულკანური რაიონი ძირითადად წყლის ქვეშ მდებარეობს და 24 კრატერისა და ვულკანური შემაღლებებისგან შედგება. დღესიათვის ველების გარკვეულ ადგილებში გეოთერმული აქტიურობაა დაფიქსირებული.

დაახლოებით 40 000 წლის წინ ამ რაიონში ვულკანის მეგაამოფრქვევა მოხდა, რომელმაც ვულკანური ზამთარი გამოიწვია და მეცნიერების ვარაუდით, ნეარდელტალელთა გადაშენება გამოიწვია. უკანასკნელი ამოფრქვევა 1538 წელს მოხდა, რამაც მონტე-ნუოვოს შლაკური კონუსი წარმოშვა (იხ. სურათი).

კვლევის ავტორებმა გაანალიზეს მინერალებისა და ქანების ნიმუშები და დააკვირდნენ მცირე მიწისქვეშა ბიძგების მეგაამოფრქვევამდე გადასვლის ეტაპებს. მათი თქმით, ამჟამად ფლეგრეის ველების რაიონში დედამიწის ქერქის ზედა ფენებში კვლავ გრძელდება მაგმის დაგროვება, რაც იმას ნიშნავს, რომ დაიწყო წნევის ზრდა, რომელმაც შეიძლება ახალი დიდი ამოფრქვევა გამოიწვიოს.

ამასთან, მეცნიერები ჯერჯერობით ვერ ამბობენ, თუ როდის და რა სიმძლავრის ამოფრქვევა შეიძლება მოხდეს.